რუსეთის საგარეო საქმეთა მინისტრის მოადგილე გრიგორი კარასინი უკმაყოფილოა სამხრეთ კავკასიაში ევროკავშირის სპეციალური წარმომადგენლის ფილიპ ლეფორის მიერ გაკეთებული განცხადებით, რომლის დროს მან რუსეთს შეახსენა, რომ რუსეთის ფედერაცია 2008 წლის შეთანხმებას ცეცხლის შეწყვეტის შესახებ არ ასრულებს. კარასინმა ჟენევის მოლაპარაკებათა ერთ ერთი თანატავმჯდომარის განცხადებას „მიკერძოებული" უწოდა.
მისი თქმით, თანათავმჯდომარეები მიუკერძოებელნი უნდა იყვნენ და უნდა ფიქრობდდნენ მანამ ვიდრე საჯაროდ რამეს იტყოდნენ.
„გამოცდილება გვაჩვენებს, რომ არადიპლომატიური გამონათქვამები, რომლებიც მოლაპარაკებათა ერთ-ერთი მონაწილის მხარდაჭერისკენაა მიმართული მოლაპარაკებათა პროცესს ხელს არ უწყობს. ამ თვალსაზრისით მიმაჩნია, რომ ბატონი ლეფორი თანათავმჯდომარეების მისიის კომპრომეტირებას ახდენს", _ განაცხადა კარასინმა და აღნიშნა, რომ რატომღაც ყველას „ავიწყდება", რომ აფხაზეთი და ე.წ. სამხრეთ ოსეთი საქართველოს ნაწილები უკვე აღარ არიან.
„მათ „ავიწყდებათ" რომ დღევანდელი აფხაზეთის რესუბლოკა და სამხრეთ ოსეთის რესპუბლიკა საქართველოს ტერიტორიები კი არ არიან, არამედ სივერებული სახელმწიფოები, რომლებიც რუსეთის ფედერაციამ აღიარა. ასე, რომ ბატნი ლეფორის გამონათქვამები გაფუჭებულ ფირფიტას გავს ყალბი მელოდიით",_ განაცხადა კარასინმა.