პარლამენტის ადამიანის უფლებათა დაცვის კომიტეტის თავმჯდომარე ეკა ბესელია არასამთავრობო ორგანიზაციების და სახალხო დამცველის აპარატის წარმომდაგენელთა განცხადებებს პასუხბს და განმარტავს, რომ მიუსაფარ ადამიაანთა თავშესაფრის თაობაზე მის მიერ გაკეთებული განცხადებები არასწორად იქნა გაგებული.
ბესელიას თქმით, მას არავის უფლებისშემლახავი განცხადება არ გაუკეთებია და სიკეთის გაკეთება ყოველთვის მისასალმებელია, თუმცა ნებისმიერი ქმედება კანონმდებლობასთან შესაბამისობაშიუნდა იყოს.
"თუ ისინი ბრაზობენ, რომ რაიმე უფლების შემლახავი განცხადება გავრცელდა, უკაცრავად, მაგრამ მსგავსი ანცხადება არ გაუკეთებია არათუ ადამიანის უფლებათა დაცვის კომიტეტის წარმომადგენელს, არამედ არც ერთ ჩვენს კოლეგას. მე ვთხოვ მათ, რომ კარგად ნახონ და გაეცნონ მოკლე კომენტარს, რომელიც გავაკეთე და შემიძლია კიდევ ერთხელ გავიმეორო და ვთქვა, რომ სიკეთის გაკეთება ყოველთვის მისასალმებელია და ყოველთვის კარგია. მთავარია, რომ ნებისმიერი ჩვენი ქმედება იყოს შესაბამისობაში კანონმდებლობასთან,"- განაცხადა ეკა ბესელიამ.
ცნობისთვის, არასამთავრობო ორგანიზაციების და სახალხო დამცველის აპრატის წარმომადგენლებმა მიუსაფარ ადამიანთა თავშესაფრის გახსნის თაობაზე პარლამენტის ადამიანის უფლებათა დაცვის კომიტეტის თავმჯდომარის ეკა ბესელიას და ჯანდაცვის მინისტრის დავით სერგეენკოს მიერ გაკეთებული განცხადებები შემაშფოთებლად, არასწორად და შემაშფოთებლად შეაფასეს.