საქართველოს ახლად არჩეული პრეზიდენტის გიორგი მარგველაშვილის განაცხადებით, საქართველოს ბიუჯეტი არ იძლევა შესაძლებლობას, რომ სახელმწიფო მოხელეებმა ფეშენებელურ სასახლეებში იცხოვრონ.
მარგველაშვილის განმარტებით, ამ მიზნით, ინაუგურაცია მოკრძალებული იქნება და არა პომპეზური.
"ჩვენ ვზეიმობთ არა მხოლოდ დღესასწაულებით, არამედ ყოველ დღე, როდესაც ვაშენებთ კარგ და სწორ და ჯანსაღ ქვეყანას, მაგრამ ხარჯები უნდა იყოს იმის შესაბამისი, რაც არის ბიუჯეტი. სამწუხაროდ, საქართველოს ბიუჯეტი არ გვაძლევს დღეს იმის შესაძლებლობას, რომ ფეშენებელურ სასახლეებში ვიცხოვროთ სახელმწიფო მოხელეებმა, ან ფეშენებელური ინაუგურაციები მოვაწყოთ", - აღნიშნა მარგველაშვილმა.