,,ნაციონალური მოძრაობის" გენერალური მდივნის მოვალეობას ვანო მერაბიშვილის ნაცვლად მიხეილ მაჭავარიანი შეასრულებს. აღნიშნული გადაწყვეტილება „ერთიანი ნაციონალური მოძრაობის" ცენტრალურ ოფისში გამართულ პოლიტსაბჭოზე მიიღეს.
პოლიტსაბჭოს სხდომაზე პარტიის საორგანიზაციო საქმიანობისა და სხვა მიმდინარე საკითხები განიხილეს.
პოლიტიკურმა საბჭომ პარტიის აღმასრულებელ მდივნად მიხეილ მაჭავარიანი აირჩია. ამასთან, პარტიის გენერალური მდივნის, ვანო მერაბიშვილის პოლიტიკურ პატიმრობაში ყოფნის გამო, მიღებულია გადაწყვეტილება, აღმასრულებელმა მდივანმა „ერთიანი ნაციონალური მოძრაობის" გენერალური მდივნის მოვალეობაც შეასრულოს.
სხდომაზე ასევე დამტკიცდა პარტიის ახალი სტრუქტურა, რომლის თანახმადაც 2 კვირის შემდეგ აირჩევენ პარტიის სხვა მდივნებს.
