"ლეიბორისტული პარტიის" ლიდერი შალვა ნათელაშვილი ცენტრალური საარჩევნო კომისიის მიერ გამოქვეყნებულ საპრეზიდენტო არჩევნების საბოლოო შედგებს უნდობლობას უცხადებს და მიიჩნევს, რომ ხმების დათვლის დროს სერიოზული გაყალბება მოხდა.
ნათელაშვილის თქმით, 17 ნოემბერს იგი მის მხარდამჭერებთან ერთად რუსთაველის გამზირზე საპროტესტო აქციას გამართავს და ამ ფორმით ხელს შეუშლის არჩეული პრეზიდენტის, გიორგი მარგველაშვილის ინაუგურაციას.
"17 ნოემბერს 11:00 საათზე ყველას, ვისაც აქვს ბრძოლის უნარი და სურვილი, ველოდები რუსთაველის ძეგლთან. უნდა ჩავუშხამოთ ამათ ინაუგურაცია, ის გაყალბებული ინაუგურაცია, რომელსაც ცენტრალური ბოროტების კომისიაში ამზადებენ. ფაქტიურად დღეს აქ მოხდა საუკუნის დანაშაული და ამ საუკუნის დანაშაულის გამო, ყველა დაჯდება საბრალდებო სკამზე. აბა ვნახოთ, ეს თუ ასე არ იქნება!"- განაცხადა შალვა ნათელაშვილმა.