ცენტრალურმა საარჩევნო კომისიამ 27 ოქტომბერს ჩატარებული საპრეზიდენტო არჩევნების საბოლოო შედეგები გამოაქვეყნა. როგორც უწყებაში გამართულ პრესკონფერენციაზე ცესკო-ს პრესსპიკერმა ეკატერინე აზარაშვილმა განმარტა არჩევნებში მილიონ თორმეტი ათას ხუთას სამოცდაცხრა ხმა კოალიცია ,,ქართული ოცნების" საპრეზიდენტო კანდიდატმა გიორგი მარგველაშვილმა მიიღო რაც ამომრჩეველთა ხმების 62, 12%, ხოლო ხმების 21, 72 % ,,ნაციონალური მოძრაობის" საპრეზიდენტო კანდიდატმა დავით ბაქრაძემ მიიღო, რაც სამას ორმოცდათოთხმეტი ათას 103 ხმაა, 10,19% კი ,,დემოკრატიული მოძრაობა-ერთიანი საქართველოს" საპრეზიდენტო კანდიდატმა ნინო ბურჯანაძემ მიღო, რაც 166 ათას 61 ხმაა.
შეგახსენებთ, რომ 27 ოქტომბრის საპრეზიდენტო არჩევნებში 23 საპრეზიდენტო კანდიდატი მონაწილეობდა, ხოლო საარჩევნო პროცეს 60 ადგილობრივი და 65 საერთაშორისო ორგანიზაცია აკვირდებოდა.
