დაპირებებისა და ლოზუნგების გარდა, მთავრობა ვალდებულია საზოგადოებას საკუთარი გეგმები და ქვეყნის უმნიშვნელოვანესი დარგების განვითარების პროგრამები წარუდგინოს.
ამის შესახებ iveria.biz-Si სტატიაში, საგარეო საქმეთა მინისტრის ყოფილი მოადგილე ნიკოლოზ ვაშაკიძე წერს.
ვაშაკიძე ყურადღებას ამახვილებს იმ გარემოებაზე, რომ თავდაცვის სამინისტროს გარდა, არცერთ სამინისტროს შესაბამისი დარგის განვითარების სტრატეგიული გეგმა წარმოდგენილი არ აქვს.
„ამ ერთი წლის განმავლობაში ისე ვიყავით გართულები პრემიერ ივანიშვილის მიერ გამართული მართლაც სახალისო სპექტაკლებით, რომ დაგვავიწყდა ის მარტივი ჭეშმარიტება, რომ დაპირებებისა და ლოზუნგების გარდა, მთავრობა ვალდებულია საზოგადოებას საკუთარი გეგმები და ქვეყნის უმნიშვნელოვანესი დარგების განვითარების პროგრამები წარუდგინოს. ვალდებულია, მაგრამ რა გვაქვს სინამდვილეში? ეწვიეთ ნებისმიერი სამინისტროს ვებგვერდს და ნახავთ, რომ თითქმის არცერთ სამინისტროს შესაბამისი დარგის განვითარების სტრატეგიული გეგმა წარმოდგენილი არ აქვს. ვფიქრობ, არა მხოლოდ წარმოდგენილი არ აქვს, არამედ, საერთოდ არ გააჩნია. გამონაკლისს წარმოადგენს თავდაცვის სამინისტრო და ეს, ალბათ, იმიტომ, რომ სტრატეგიული განვითარების გეგმების არსებობას, მას ნატოსთან თანამშრომლობის მექანიზმები ავალდებულებს", - წერს ვაშაკიძე.
