სტატიას სახელწოდებით: „რუსეთი საქართველოს ოკუპაციას ციტრუსის სანაცვლოდ ახორციელებს", ამერიკული გამოცემა „Financial Times"-ი აქვეყნებს.
„რუსეთის ჯარი, რომელიც საქართველოს ხელისუფლების აზრით, 2008 წლის აგვისტოდან სამხრეთ ოსეთის ოკუპაციას ახდენს, საქართველოსა და სამხრეთ ოსეთის საზღვარზე წინაღობებს აყენებს, თან ისე, რომ საზღვრის ხაზი გამუდმებით ინაცვლებს საქართველოს მხარეს. ხშირად ის სოფლებს, მიწის ნაკვეთებს და შენობებსაც კი ჰყოფს ორად", _ წერს Financial Times.
სტატიის მიხედვით, რუსული მხარის ოფიციალური განცხადებებით, „საზღვრის დემარკაციას სამხრეთ ოსეთის ადმინისტრაცია ახორციელებს და არა რუსეთი. მოსკოვის მიერ აღიარებული სახელმწიფოს ხელისუფლების წარმომადგებლები საბჭოთა დროის რუკებს იყენებენ, იმისათვის, რომ ჭეშმარიტი საზღვარი აღადგინონ.
საქართველო ყოველივე ამაში რუსეთის მიერ სამხრეთ ოსეთისა და აფხაზეთის „მცოცავ ოკუპაციას" ხედავს. ერთად აღებული ეს მიწები საქართველოს ტერიტორიის 20 % ქმნიან, რომელთა დაბრუნებასაც საქართველო ჯერ კიდევ აპორებს. წერს ამერიკული გამოცემა.
ქართული მხარე ასევე იზიარებს იმ აზრს, რომ საზღვრის დემარკაცია თბილისზე ზეწოლის გეგმის ნაწილია საქართველოს სურვილის გამო ევროკავშირთან სავაჭრო და პოლიტიკური შეთანხმებებს გაფორმების შესახებ", _ წერს გაზეთი და პოლონეთის საგარეო საქმეთა მინისტრის საქართველოს შესახებ გაკეთებული გამონათქვამი მოჰყავს.
„როდესაც ჩვენ ვმონაწილეობდით ნატოს გაფართოებაში, რუსეთი ამბობდა: „ნატო არ უნდა შეეხოს ყოფილ საბჭოთა ტერიტორიას, მაგრამ თქვენ თუ გინდათ მისი ინტეგრირება ევროკავშირში - კი ბატონო. ახლა როდესაც ნატოს გაფართოება შეჩერებულია, რუსეთმა თამაშის წესი შეცვალა", _ აცხადებს პოლონეთის საგარეო საქმეთა მინისტრი რადოსლავ სიკორსკი და აღნიშნავს, რომ ისევე როგორც საქართველო, პოლონეთიც განიცდის რუსეთის მხრიდან ზეწოლას.
ევროკავშირი კი შეშფოთებით ადევნებს თვალს იმას რაც ხდება, ვინაიდან დაძაბულობის გასული ესკალაცია საქართველოსა და რუსეთს შორის შეიარაღებულ კონფლიქტში გადაიზარდა",_ წერს გაზეთი და მიხეილ სააკაშვილისა და ბაროზუს შეხვედრას იხსენებს.
„გასულ წელს მიხეილ სააკავილთან შეხვედრისას ევროკომისიის ხელმძღვანელმა ხოსე მანუელ ბაროზომ განაცხადა: „ევროკავშირი მკაცრად გმობს წინაღობებისა და კედლების აგებას საქართველოს შიდა საზღვრებში. ეს 2008 წელს მიღწეული შეთანხმების დარღვევაა და უშუალოდ ადგილობრივ მოსახლეობას აზარალებს".
ადგილობრივი მოსახლეობა მიიჩნევს, რომ საზღვრის გადმოწევის პროცესი გაგრძელდება..
ამის მიუხედავად, რუსეთ-საქართველოს ურთიერთობების საერთო სურათში არის დადებითი მომენტებიც. აკრძალვა ღვინოსა და მინერალურ წყალზე რუსეთმა გააუქმა და ასევე დასასრულს უახლოვდება მოლაპარაკებები ციტრუსების შეტანაზე. წერს ამერიკული გამოცემა",_ წერს Financial Times-ი.