მოულოდნელი არ იყო არჩილის ეს განცხადება, მან რამდენიმე დღის წინაც ერთ-ერთ გადაცემაში გააკეთა მინიშნება იმის შესახებ, რომ წასვლას აპირებდა,- ამის შესახებ ვიცე-პრემიერმა კახი კალაძემ არჩილ კბილაშვილის მიერ მთავარი პროკურორის პოსტიდან გადადგომის თაობაზე გაკეთებული განცხადების კომენტირებისას ისაუბრა.
კალაძის შეფასებით, საზოგადოებაში ძალიან ბევრი კითხვები არსებობს პროკურატურის მუშაობასთან დაკავშირებით და ასე რომ, კბილაშვილის გადადგომა რაღაც სიახლე არ ყოფილა.
რაც შეეხება კბილაშვილსა და მმართველი კოალიციის წევრებს შორის არსებული დაპირისპირების თაობაზე გავრცელებულ ინფორმციას, კალაძის თქმით, არავიარი დაპირისპირება არ ყოფილა და ვერც იქნებოდა და მთავარმა სამოქალქო სექტორში გადასვლის გადაწყვეტილება მიიღო, საიდანაც იგი ბიძინა ივანიშვილთან ერთად ქვეყნის სამსახურში ყოფნას.
ჯერჯერობით უცნობია ვინ დაიკავებს მთავარი პროკურორის პოსტს. როგორც საპარლამენტო უმრავლესობაში აცხადებენ, ამ საკითხზე კონსულტაციები ჯერ არ დაწყებულა, თუმცა მედიაში უკვე გავრცელდა ინფორმაცია კბილაშვილის შესზლო შემცვლელების თაობაზე.
არსებული ინფორმაციით, შესაძლოა, პროკურატურის ხელმძღვანელის პოსტი კბილაშვილის პირველმა მოადგილემ ლაშა ნაცვლიშვილმა, ქალაქ თბილისის პროკურორმა მაია მწარიაშვილმა ან პარლამენტის ფრაქცია "ქართული ოცნების" თავმჯდომარემ ზაქარია ქუცნაშვილმა დაიკავონ.
აღნიშნულთან დაკავშირებით კომენტარი მაია მწარიაშვილმაც გააკეთა. მისი თქმით, მთავარი პროკურორის პოსტზე მის კანდიდატურის განხილვა გამორიცხულია. რაც შეეხება ლაშა ნაცვლიშვლს, იგი ჯერჯერობით მედიასთან კომენტარს არ აკეთებს.
არჩილ კბილაშვილს მთავარი პროკურორის უფლებამოსილება ოფიციალურად 17 ნოემბერს შეუწყდება, მის შემცვლელს კი, იუსტიციის მინისტრის წარდგინებით პრემიერ-მინისტრი დაამტკიცებს.
