საპარლამენტო უმრავლესობის წევრი, ფრაქცია "ქართული ოცნების" თავმჯდომარე ზაქარია ქუცნაშვილი მთავარ პროკურორად მისი შესაძლო დანიშვნის თაობაზე კომენტარს აკეთებს.
ქუცნაშვილის თქმით, ამ ეტაპზე იგი არ მიისწრაფვის მთავარი პროკურატურის ხელმძღვანელის პოსტზე გააგრძელოს მუშაობა, თუმცა განმარტავს, რომ პროკურატურის საქმიანობა კიდევ უფრო ეფექტური იყოს საზოგადოების თვალში.
"მე არ მივისწრაფვი მთავარი პროკურორის თანამდებობისაკენ. მე როგორც ხალხის წარმომადგენელს, მაქვს ჩემი კომპეტენცია და მინდა ხალხისთვის მიცემული პირობა ბოლომდე მიიყვანო, აქედან გამომდინარე მე სურვილი და მისწრაფება ამ ეტაპზე არ გამაჩნია. უკვე ცნობილია ის საკითხი, რაზეც ფართო შეთანხმებაა სჭირო იმისათვის, რომ პროკურატურის საქმიანობა კიდევ უფრო ეფექტური იყოს საზოგადოების თვალში,"- განაცხადა ზაქარია ქუცნაშვილმა.
ამ ეტაპზე მთავარი პროკურორის პოსტზე არჩილ კბილაშვილის შემცვლელად სამი კანდიატურა სახელდება.
არსებული ინფორმაციით, შესაძლოა, პროკურატურის ხელმძღვანელის პოსტი კბილაშვილის პირველმა მოადგილემ ლაშა ნაცვლიშვილმა, ქალაქ თბილისის პროკურორმა მაია მწარიაშვილმა ან პარლამენტის ფრაქცია "ქართული ოცნების" თავმჯდომარემ ზაქარია ქუცნაშვილმა დაიკავონ.
აღნიშნულთან დაკავშირებით კომენტარი მაია მწარიაშვილმაც გააკეთა. მისი თქმით, მთავარი პროკურორის პოსტზე მის კანდიდატურის განხილვა გამორიცხულია. რაც შეეხება ლაშა ნაცვლიშვლს, იგი ჯერჯერობით მედიასთან კომენტარს არ აკეთებს.
არჩილ კბილაშვილს მთავარი პროკურორის უფლებამოსილება ოფიციალურად 17 ნოემბერს შეუწყდება, მის შემცვლელს კი, იუსტიცის მინისტრის წარდგინებით პრემიერ-მინისტრი დაამტკიცებს.