როგორც ჩანს, კიდევ უფრო მკვეთრი და დაუფიქრებელი ადამიანების დრო მოდის. განცხადება ამის შესახებ უმცირესობის წევრმა გიორგი გაბაშვილმა გენპროკურორის გადადგომის კომენტირებისას გააკეთა.
„როგორ ჩანს მისი ვადა ამოიწურა ან კიდევ უფრო მკვეთრი და კიდევ უფრო დაუფიქრებელი მოქმედებების ადამიანების დრო მოდის. საუბრობენ კიდეც ბატონ ნაცვლიშვილზე, რომელსაც ყველანი ვიცნობთ როგორც ასეთს. ყოველ შემთხვევაში რაღაც პროცესები მიმდინარეობს პროკურატურაში, რომლის შედეგებს ვნახავთ", _ აცხადებს გაბაშვილი და აღნიშნავს, რომ ნაცვლიშვილი უფრო გავლენიანი ფიგურაა პროკურატურაში ვიდრე კბილაშვილი.
„კულუარებში საუბრობენ იმაზე, რომ ბატონი ნაცვლიშვილი უფრო გავლენიანი ფიგურაა პროკურატურაში ვიდრე თვითონ ბატონი კბილაშვილი. ის ძირითადად გამოიყენებოდა პოლიტიკური განაცხადებს გასაკეთებლად", _ აცხადებს გაბაშვილი.
