7-8 ნოემბერს საქართველოს საგარეო საქმეთა სამინისტროს დელეგაციამ, მინისტრის მოადგილის დავით ჯალაღანიას ხელმძღვანელობით, მონაწილეობა მიიღო ბალის მე-6 დემოკრატიულ ფორუმში, რომელიც გაიმართა ინდონეზიის რესპუბლიკის კუნძულ ბალიზე.
აღნიშნული ღონისძიება, რომელშიც ქართული მხარე მეორედ მონაწილობდა, წარმოადგენს მნიშვნელოვან საერთშორისო კონფერენციას, სადაც განიხილავენ დემოკრატიის განვითარების პერსპექტივებსა და გამოწვევებს, მათ შორის მრავალეთნიკურ საზოგადაოებებში. ფორუმზე მიწვეულ ლიდერებს შორის სიტყვით წარსდგა საგარეო საქმეთა მინისტრის მოადგილე, დავით ჯალაღანია, რომელიც თავის გამოსვლაში შეეხო საქართველოში მიმდინარე დემოკრატიულ პროცესებს და ჩატარებულ დემოკრატიულ არჩევნებს, ისევე როგოც განხორციელებულ და მიმდინარე დემოკრატიულ რეფორმებს.
საგარეო საქმეთა სამინისტროს ინფორმაციით, ფორუმის ფარგლებში, ოფიციალურ ღონისძიებებში მონაწილეობის პარალელურად, საგარეო საქმეთა სამინისტროს დელეგაციამ ორმხრივი შეხვედრები გამართა მონაწილე სახელმწიფოების ოფიციალურ დელეგაციებთან. შეხვედრებისას განხილულ იქნა ორმხრივ და მრავალმხრივ ფორმატებში არსებული ურთიერთობების საკითხები და სხვადასხვა სფეროებში თანამშრომლობის განვითარების პერსპექტივები.