საქართველოს პრემიერ-მინისტრის, ბიძინა ივანიშვილის განცხადებით, მნიშვნელოვანია, რომ საქართველო-ისრაელის ერთობლივი ეკონომიკური კომისიის შექმნა გადაწყდა. როგორც ივანიშვილმა სახელმწიფოს საგარეო საქმეთა სამინისტროს რეგიონულ ამბასადორიალზე სიტყვით გამოსვლისას განაცხადა, კომისიის პირველი სხდომა 2014 წლის იანვარში იგეგმება.
ივანიშვილის განცხადებით, კომისიის ფარგლებში შესაძლებელი იქნება და ეფექტიანად გადაწყდეს ის საკითხები, რომლებიც ორ ქვეყანას შორის ეკონომიკური თანამშრომლობას უკავშირდება.
,,ჩვენი ქვეყნებისა და ხალხების ინტერესებს ემსახურება აგრეთვე სოფლის მეურნეობის, კულტურის, ტურიზმისა და სხვა სფეროებში ურთიერთობების განვითარება, რაც ასევე არანაკლებ მნიშვნელოვანია.
ამდენად, თვალშისაცემი პროგრესი, რომელსაც ამ ერთ წელიწადში ჩვენს ურთიერთობაში მივაღწიეთ, საშუალებას გვაძლევს თამამად ვთქვათ, რომ მომავალ წლებში ჩვენი სახელმწიფოების ორმხრივი ურთიერთობა ისეთივე სამაგალითო გახდება, როგორი სამაგალითოც არის ჩვენს ხალხებს შორის საუკუნეების განმავლობაში დამკვიდრებული ურთიერთობა", -განაცხადა ივანიშვილმა.
