პარლამენტში, ჭიათურის მაჟორიტარი დეპუტატი მალხაზ წერეთელი მარგანეცზე მოსაკრებლის გაზრდის ინიციატივით გამოდის. დეპუტატებმა ჭიათურის მაჟორიტარი დეპუტატის მიერ შემუშავებული კანონპროექტზე დღეს „ბუნებრივი რესურსების შესახებ" კანონში ცვლილებების პროექტი დღეს, გარემოს დაცვის კომიტეტის სხდომაზე განიხილეს.
კომიტეტის თავმჯდომარის, გია ცაგარეიშვილის თქმით, მარგანეცის დაბალი მოსაკრებლიდან გამომდინარე, ჭიათურის ადგილობრივ ბიუჯეტში მეწარმის მიერ შეტანილი შემოსავლები მცირეა და ის მხოლოდ 250 000 ლარს შეადგენს.
„მოსაკრებლის გაზრდის პრინციპზე შეთანხმებული ვართ, თუმცა როგორ გაიზრდება, როდის შევა კანონი ძალაში და რა პირობებით, ამას სამუშაო ჯგუფი გადაწყვეტს და პარლამენტს გონივრულ ინიციატივას შევთავაზებთ," - ამბობს ცაგარეიშვილი. ცნობისთვის, მარგანეცის მოსაკრებელი 2006 წლის 29 დეკემბერს კანონში შესული ცვლილების საფუძველზე შემცირდა.
