ჟურნალმა Forbes-მა ვლადიმერ პუტინი მსოფლიოს ყველაზე ყოვლისშემძლე ადამიანად დაასახელა. აშშ-ს პრეზიდენტი ბარაკ ობამა მსოფლიოს ყოვლისშემძლე ადამიანების ნუსხის მეორე ადგილზე გავიდა.
„ვინ არის უფრო ძლიერი - ჟანგმოდებულ თუმცა ჯერ კიდევ "უტიფარი" ზესახელმწიფოს ყოვლისშემძლე მეთაური თუ მსოფლიოს ყველაზე გავლენიანი ქვეყნის ხელებშეკრული ლიდერი ?"- კითხვას სვამენ ნუსხის ავტორები, გულისხმობენ რა რუსეთისა და აშშ-ს პრეზიდენტებს, წერს ბი-ბი-სი.
ჟურნალი ასევე აღნიშნავს, რომ პუტინმა მხოლოდ ახლა გაამყარა თავისი კონტროლი რუსეთზე და ამიტომაც სიტყვა „დიქტატორის" გამოყენება მის მიმართ არც თუ გასაკვირია.
„ამასთან ობამა კი კონგრესში არსებული კრიზისის ფონზე სულ უფრო გავს „კოჭლ იხვს", - წერს „Forbes"-ი.
სიაში სულ 72 ადამიანი შევიდა. მესამე ადგილზეა ჩინეთის ლიდერი სი ძინპინი, მეოთხეზე რომის პაპი ფრანცისკო. მეხუთეზე კი გერმანიის კანცლერი ანგელა მერკელი.