საქართველო კეთილდღეობის მსოფლიო რეიტინგში 84-ე პოზიციაზეა. რეიტინგში, რომელიც საერთაშორისო ანალიტიკურმა კომპანია Legatum Institute-მ შეადგინა, 142 ქვეყანა მოხვდა.
რეიტინგის მიხედვით, პირველ ადგილზეა ნორვეგია, მე-2 ადგილზე შვეიცარია, ხოლო მე-3 პოზიციაზე კანადა. რეიტინგში მე-4 პოზიციაზეა შვედეთი, ხოლო მე-5 პოზიციაზე კი ახალი ზელანდია.
84-ე მაჩვენებლი 8 კატეგორიაში - ეკონომიკა, მეწარმეობა, მართვა, განათლება, ჯანდაცვა, უსაფრთხოება, პირადი თავისუფლება და სოციალური კაპიტალი - დაჯგუფდა, რის საფუძველზეც განისაზღვრა თითოეული ქვეყნის რეიტინგი.
ირკვევა, რომ ეკონომიკური მაჩვენებლების მხრივ საქართველო 142 ქვეყანას შორის 99-ე პოზიციაზეა, მეწარმეობის მხრივ 72-ე ადგილზე, მართვის მხრივ - 44-ე ადგილზე, განათლების კუთხით - 67-ე პოზიციაზე, ჯანდაცვის კუთხით - 92-ე პოზიციაზე, უსაფრთხოების კუთხით - მე-60 პოზიციაზე, პირადი თავისუფლება - 73-ე ადგილზე, ხოლო სოციალური კაპიტალის კუთხით - 138-ე პოზიციაზე.
რეიტინგში აშშ მე-11 პოზიციაზეა, გერმანია - მე-14 პოზიციაზე, დიდი ბრიტანეთი კი მე-16 პოზიციაზე. რუსეთი მსოფლიო კეთილდღეობის რეიტინგში 61-ე ადგილზეა. რაც შეეხება კავკასიის რეგიონს, აქ ლიდერ პოზიციაზე აზერბაიჯანია, რადგანაც მას რეიტინგში საქართველოზე უკეთესი პოზიცია უკავია. აზერბაიჯანი რეიტინგში 81-ე პოზიაზეა, ხოლო რაც შეეხება სომხეთს ის 95-ე ადგილზეა.
რეიტინგში ბოლო, 142-ე ადგილზეა ჩადის რესპუბლიკაა..