საგადასახადო კოდექსში მორიგი ცვლილება შედის. როგორც მთავრობის სხდომის დაწყებამდე ფინანსთა მინისტრმა ნოდარ ხადურმა განმარტა, საგადასახადო კოდექსში შესატანი ცვლილების მიხედვით, საგადასახადო ორგანო ექვსი წლის ფინანსური დოკუმენტაციის ნაცვლად მხოლოდ სამი წლის ფინანსურ დოკუმენტაციას შეისწავლის.
,,ჩვენი ერთ-ერთი წინასაარჩევნო დაპირება იყო, რომ საგადასახადო სისტემა იქნებოდა უფრო ჰუმანური და უფრო მყარი. ერთ-ერთი მიმართულების რეფორმა რომელსაც ჩვენ ახლა ვახორციელებთ არის ის რომ მინისტრს უფლება აღარ ექნება განმარტოს კანონი. ჩვენი აზრით, ეს არის ნონსენსი. როგორ შეიძლება ერთმა ადამიანმა განმარტოს კანონი. მნიშვნელოვანია რომ საგადასახადო ორგანოს შეუძლია ბოლო ექვსი წლის ფინანსური დოკუმენტაციის შესწავლა, ჩვენ ამ ვადას სამ წლამდე ვამცირებთ", _განაცხადა ნოდარ ხადურმა.
მისივე განმარტებით, აღნიშნული ცვლილება 2017 წლიდან განხორციელდება და სწორედ 2017 წლიდან დაიწყებს საგადასახადო ორგრანო ბოლო 3 წლის ფინანსური დოკუმენტაციის შეამოწმებს.
