`მარნეულის მწნილის ფესტივალი~ წელს პირველად გაიმართა. ღონისძიების ორგანიზატორებმა `ვერსიასთან~ საუბრისას აღნიშნეს, რომ ფესტივალი ტრადიციულ სახეს მიიღებს და ყოველწლიურად ჩატარდება, რადგან წელს უპრეცედენტოდ ბევრი სტუმარი ჰყავდათ. სტუმრებმა `მარგებელი ჰოლდინგის~ პროდუქცია დააგემოვნეს, მათ შორის, `მარნეულის სასურსათო ქარხნის~ უგემრიელესი და ქართულ ნედლეულზე დამზადებული მწნილი და საწებლები, `მარნეული აგროს~ ქართულ მიწაზე მოყვანილი კიტრი და პომიდორი, თელეთის `ფერმა მარგებელის~ ნატურალური რძისგან დამზადებული სხვადასხვა სახეობის ყველი.
რაც მთავარია, `მარნეულის სასურსათო ქარხნისა~ და `მარნეული აგროს~ პროდუქცია ფესტივალის ფარგლებში, სპეციალურ ფასად გაიყიდა. `მარნეულის მწნილის ფესტივალი~ ფოლკლორულმა ანსამბლმა `მოძახილი~ გახსნა. დაახლოებით, 13.00-14.00 საათზე კი `სახალხო დამწნილება~ გაიმართა, სტუმრების თვალწინ, `მარნეულის სასურსათო ქარხნის~ გენერალურმა დირექტორმა, ირინა გაფრინდაშვილმა, კიტრი საკუთარი ხელითYდაამწნილა.
მწნილი საკმაოდ პოპულარულია და თითქმის მთელ მსოფლიოშია გავრცელებული, მათ შორის, სამხრეთ და აღმოსავლეთ აზიაში, ახლო აღმოსავლეთში, ცენტრალურ და აღმოსავლეთ ევროპაში, ჩრდილოეთ და ცენტრალურ ამერიკაში. გავრცელების ფართო გეოგრაფიული არეალიდან გამომდინარე, მწნილი ყველგან განსხვავებული და მრავალფეროვანია.
საკვები პროდუქტების დამწნილება ჯერ კიდევ 4 000 წლის წინ დაიწყეს. მაგალითად, ინდოეთში საკმაოდ პოპულარული კიტრის მწნილი იყო, რასაც ჩრდილოეთ ინდოეთში, `აჩარს~ უწოდებენ. დამწნილების მეთოდს სეზონური საკვები პროდუქტების შესანახად იყენებდნენ, მწნილს კი მაშინ მიირთმევდნენ, როდესაც სეზონის მიხედვით, ესა თუ ის პროდუქტი არ მოიპოვებოდა. დამწნილებული პროდუქტების წაღება საკმაოდ კომფორტულად ითვლებოდა ხანგრძლივი, საზღვაო მოგზაურობის დროს. საგემოვნო თვისებების გამო, მწნილები საკმაოდ პოპულარულ საკვებად ითვლებოდა ადრეც და ახლაც.
`მარნეულის სასურსათო ქარხანა~ `მარგებელი ჰოლდინგის~ ნაწილია, რომელიც 2007 წელს დაარსდა და საქართველოში, ერთ-ერთ უმსხვილეს საწარმოდ ითვლება. ქარხანა, რომელიც ევროპული სტანდარტების დანადგარებითაა აღჭურვილი, 50-ზე მეტი დასახელების, ქართული ნედლეულისგან დამზადებულ, ნატურალურ და გემრიელ საკონსერვო პროდუქტს უშვებს. ქარხანას ნედლეულით ჰოლდინგში შემავალი კომპანია `მარნეული აგრო~ და ადგილობრივი, მცირე სასოფლო მეურნეობები ამარაგებენ. საწარმოს ტექნიკური შესაძლებლობა აქვს, რომ ადგილობრივი ნედლეულის მაღალ ხარისხთან ერთად, ქართული ბაზარი უალტერნატივო პროდუქტით მოამარაგოს. ქილაში ჩადებული თითოეული პროდუქტი ქართულ მიწაზეა მოყვანილი და 100%-ით ადგილობრივია. აქედან გამომდინარე, თამამად შეიძლება ითქვას, რომ ბრენდი M, საქართველოში ხარისხისა და ჯანსაღი საკვები პროდუქტის სინონიმად იქცა.
`ვერსია~ `მარგებელი ჰოლდინგის~ დამფუძნებელს, მიხო სვიმონიშვილს გაესაუბრა:

`ამ ფესტივალზე მეც სტუმრის სტატუსით ვიმყოფები, მაგრამ მთავარია, რომ ჩვენი პროდუქტები და ჩვენი ბრენდი უკვცე სახალხო ბრენდად ითველბა, რომელიც მთელმა საქართველომ შეიყვარა. ჩვენი ამოცანა შესრულებულია და ვაგრძელებთ განვითარებას, რომ იმპორტი, რაც შეიძლება მეტი ადგილობრივი პროდუქციით ჩავანაცვლოთ. როგორც ხედავთ, ამ ფესტივალის მიმართ, დიდი ინტერესია, რადგან უამრავი სტუმარი გვეწვია, ამიტომ ვფიქრობ, `მწნილის ფესტივალი~ ტრადიციულ სახეს მიიღებს და ყოველწლიურად გაიმართება~.
`მარგებელი ჰოლდინგი~ მომხმარებელს ყოველთვის სთავაზობს ახალ და განსხავებულ პროდუქტს. წელს ბრენდი M ნიშნით, პომიდვრის სალათი `ლეჩო~ და `აჯიკა~ გამოუშვეს, რაც საკმაოდ გემრიელია. რაც შეეხება ტრადიციულ პროდუქციას, `ბოსტნეულის ასორტს~, `ტომატ-პასტას~, `კიტრის მწნილს~, `პომიდვრის მწნილს~, `კიტრისა და პომიდვრის მწნილს~ (შერეული), `ცოცხალი პომიდვრის საწებელს~, `წითელ ტყემალს~, სხვადასხვა ხილის კომპოტებსა და მურაბებს, ასევე `ნაბეღლავსა~ და `ბახმაროს~, ახალი შეფუთვით, სხვადასხვა ზომის ქილებსა და ლამაზ ბოთლებში წარმოადგინეს.