"შსს ამბობს, რომ საქმე უკვე ერთი თვეა გახსნილია და საინტერსოა, თუ საქმე ერთი თვეა გახსნილია, ძალიან მაღალი საზოგადოებრივი ინტერესის საქმესთან დაკავშირებით რატომ არ გავრცელდა ინფორმაცია?, და რატომ გავრცელდება ხუთშაბათს," - ამის შესახებ საპარლამენტო უმცირესობის წევრმა გიორგი გაბაშვილმა ე.წ. ჯიჰადის ვიდეოების გახსნის თაობაზე შნაგან საქმეთა სამინისტროს მიერ გავრცელებული განცხადების კომენტირესისას ისაუბრა.
"ჯიჰადის ვიდეოების გავრცელების საქმეში ბრალდებულს წინასწარი პატიმრობა შეეფარდა,"- ამის შესახებ "ჯი-ეიჩ-ენს" საქართველოს შინაგან საქმეთა სამინისტროს საზოგადოებრივ საქმეთა დეპარტამენტის ხელმძღვანელმა ნინო გიორგობიანმა განუცხადა.
"ჯიჰადის ვიდეოების საქმე გამოძიებულია დიდი ხანია, თუმცა გამოძიების ინტერესებიდან გამომდინარე არ ხმაურდებოდა აქამდე. შემიძლია გითხრათ, რომ აღნიშნული დანაშაულის ჩამდენი პირი დადგენილია და მას სასამართლომ წინასწარი პატიმრობა უკვე შეუფარდა,"- განაცხადა ნინო გიორგობიანმა და დასძინა, რომ აღნიშნულ საკითხზე დამატებითი დეტალები საზოგადოებისთვის ხუთშაბათს გახდება ცნობილი.
რაც შეეხება თავდაცვის მინისტრის ირაკლი ალასანიას გუშინდელ განცხადებას, გიორგობიანის თქმით, კარგი იქნებოდა მას საკითხი კოლეგა მინისტრთან გადაემოწმებინა, ვიდრე განცახდებას გააკეთებდა.
შეგახსენებთ, რომ თალიბების სახელით საქართველოს შეიარაღებული ძალებისადმი მუქარისშემცველი ვიდეოკლიპები ინტერნეტსივრცეში 6 ივნისს გავრცელდა.
