დედაქალაქის საკრებულოში მიმდინარე სხდომაზე დეპუტატებს შორის ხმამაღალი სიტყვიერი შელაპარაკება ფიზიკურ დაპირისპირებაში გადაიზარდა. დაპირისპირება ფრაქცია „თავისუფლებას" წარმომადგენელს გიორგი ნემსაძესა და ფრაქცია „ნაციონალური მოძრაობა-ჩვენი ქალაქის" წარმომადგენელ მამუკა გუგეშაშვილს შორის მოხდა.
სხდომაზე მიმდინარე დაპირისპირება დერეფანში გაგრძელდა და დედაქალაქის კანონმდებლებმა დღის წესრიგით გათვალისწინებულ საკითხებზე მსჯელობა რამდენიმე წუთით შეწყვიტეს. საკრებულოს დერეფანში გაგრძელებული დაპირისპირების განმუხტვა საკრებულოს თავმჯდომარემ ირაკლი შიხიაშვილმა სცადა. მან დეპუტატებს სხდომათა დარბაზში დაბრუნებისკენ და დეპატების კონსტრუქციულ რეჟიმში გაგრძელებისკენ მოუწოდა.
ამ წუთებში საკრებულოს სხდომა მედიის წარმომადგენლებისთვის დაიხურა და დეპუატეტები დღის წესრიგით გათვალისწინებულ შვიდ საკითხზე დახურულ კარსმიღმა მსჯელობენ.
შეგახსენებთ, რომ აღნიშნული მოვლენების პარალელურად, საკრებულოს შენობასთან ხმაურიანი საპორტესტო აქცია მიმდინარეობს, მომიტინგეები საკრებულოს თავმჯდომარის ირაკლი შიხიაშვილის თანამდებობიდან გადადგომას ითხოვენ.