"ალიანსი საქართველოსთვის" ლიდერის ირაკლი ალასანიას განცხადებით, მისთვის წინასაარჩევნო კამპანიაში ლევან გაჩეჩილაძის მონაწილეობა ბევრს ნიშნავს. ამის შესახებ "ალიანსის ლიდერმა დღეს, კალათბურთის სასახლეში არასამთავრობო ორგანიზაციებთან შეხვედრისას განაცხადა.
მისი თქმით, ბოლო დროს "დაიცავი საქართველო"-ს ლიდერთან მეგობრული ურთიერთობები ჩამოუყალიბდა, ამასთან გაჩეჩილაძეს უდიდესი სამუშაოს შესრულება შეუძლია დღევანდელი ხელისუფლების დამარცხების მიმართულებით. გამომდინარე აქედან წინასაარჩევნო პროცესებში გაჩეჩილაძის მონაწილეობას გადამწყვეტი მნიშვნელობა აქვს.
"ჩვენს ბრძოლაში ლევან გაჩეჩილაძის მონაწილეობა ბევრს ნიშნავს, მეტიც გადამწყვეტი მნიშვნელობაც აქვს", - განაცხადა ირაკლი ალასანიამ.
შეკითხვა ლევა გაჩეჩილაძის შესახებ, ალასანიას დარბაზიდან დაუსვეს.
