ტყის განაშენიანების ფონდს, რომელიც უახლოეს პერიოდში ჩამოყალიბდება პრემიერ-მინისტრ ბიძინა ივანიშვილის მეუღლე ეკატერინე ხვედელიძე უხელმძღვანელბს. როგორც სრულიად საქართველოს კათოლიკოს პატრიარქმა ილია მეორემ საკვირაო ქადაგების დასრულების შემდეგ ბრძანა ინიციატივა ბიძინა ივანიშვილს პარასკევს გამართულ შეხვედრაზე მიაწოდა და პრემიერისგანაც თანხმობა მიიღო.
,,მე შევთავაზე ბატონ ბიძინას, ჩამოყალიბდეს ფონდი, რომელიც ტყის განაშენიანებას მოემსახურება. ტყე ჩვენი ფილტვებია, ჩვენი ჯანმრთელობა და ჩვენი კარგი მომავალი. ვთხოვე ბატონ ბიძინას, ამას სათავეში ჩაუდგეს ქალბატონი ეკატერინე ხვედელიძე, პრემიერ-მინისტრის მეუღლე. მათ თანხმობა თქვეს. ჩვენ ყველაფერს გავაკეთებთ, რომ ახალგაზრდებმა ამ საქმეში აქტიური მონაწილეობა მიიღონ", - ბრძანა ილია მეორემ.
პატრიარქის განცხადებით, ყოველი ახალგაზრდა ახალ დარგულ ნერგზე 0.50 თეთრს მიიღებს.
,,მე ვთხოვე ბატონ ბიძინას, ჩვენს ახალგაზრდებს ყოველ დარგულ ნერგზე მიეცეთ 50 თეთრი. ეს მათ სწავლისა და არსებობისთვის დაეხმარებათ. ახალგაზრდობასაც ექნება ინტერესი. ამასთან ერთად, ფონდი გააკეთებს ყველაფერს, რომ ნერგების ზემოთ იყოს წყლის რეზერვუარი და ყველა ნერგის ძირში ჩადიოდეს წვეთოვანი. ეს იმას ნიშნავს, რომ ყოველი ნერგი გაიხარებს. ყოველმა ახალგაზრდამ შეიძლება დღეში დარგოს 20 ნერგი და მიიღოს შესაბამისი გასამრჯელო, რომელსაც შესაძლოა დახმარება ვუწოდოთ", _ბრძანა ილია მეორემ.
მასალის გამოყენების პირობები