ხულოს რაიონში ხიხანის ხეობაში „უაზ"-ის ტიპის ძარიანი სატრანსპორტო საშუალების მძღოლმა საჭე ვერ დამოირჩილა, რის შედეგადაც ავტომანქანა გადაბრუნდა.
შსს-ს ინფორმაცით, ავტოსაგზაო შემთხვევის დროს, სატრანსპორტო საშუალებაში 13 ადამიანი იმყოფებოდა. სხვადასხვა სახის სხეულის დაზიანება ყველა მათგანმა მიიღო. დაშავებულებიდან ორი უცხო ქვეყნის მოქალაქეა.
შედარებით მძიმე მდგომარეობაში მყოფი ორი დაშავებულის ტრანსპორტირება შსს-ს საგანგებო სიტუაციების მართვის დეპარტამენტის აჭარის საგანგებო და გადაუდებელი სიატუაციების მართვის სააგენტოს და საქართველოს თავდაცვის სამინისტროს ერთობლივი კოორდინირებული მუშაობის შედეგად ვერტმფრენით განხორციელდა და რეანომობილის საშუალებით ბათუმის რეფერეალურ საავამდყოფოში გადაიყვანეს. 7 დაშავებული კი სასწრაფო სამედიცინო დახმარების ბრიგადის თანამშრომლებმა შუახევის რაიონულ საავადმყოფოში მოათავსეს.
ამ დროისთვის ყველა დაშავებულის ჯანმრთელობის მდგომარეობა დამაკმაყოფილებელია.
გამოძიება ტრანსპორტის მოძრაობის უსაფრთხოების ან ექსპლუატაციის ფაქტზე (სსკს-ს 276-ე) მიმდინარეობს. გამოძიებას შსს-ს ხულოს რაიონული პოლიციის სამმართველო აწარმოებს.
