საქართველოს პრემიერ-მინისტრმა ბიძინა ივანიშვილმა შეიხ საუდ ბინ საქრ ალ ქასიმისსა და მის ბიზნეს ჯგუფს უმასპინძლა.
პრემიერის პრესსამსახურის ინფორმაციით, შეხვედრას საქართველოს ეკონომიკისა და ენერგეტიკის მინისტრებიც დაესწრნენ. შეხვედრის დასრულების შემდეგ ბიძინა ივანიშვილმა და შეიხ საუდ ბინ საქრ ალ ქასიმიმ კომენტარი გააკეთეს, სადაც შეხვედრის დეტალებზე ისაუბრეს.
"სტუმრებმა თავიანთი პრობლემები გაგვაცნეს, რაც წინა ხელისუფლების პირობებში მათ ბიზნესს შეექმნა საქართველოში. ეს არის ერთი კონკრეტული მაგალითი იმ უსამართლობის, რაც ქვეყანაში ხდებოდა. ამიერიდან არც ერთი ინვესტორი არ უნდა დაზარალდეს. ჩვენ აღვადგენთ კავშირებს მხოლოდ ნდობით, მხოლოდ სწორი ქცევით და მოვახერხებთ, რომ შეიხი არა მხოლოდ ინვესტორი, არამედ დიდი მეგობარიც გახდეს ჩვენი ქვეყნის",-განაცხადა ბიძინა ივანიშვილმა.
