თბილისის საკრებულოს წევრთა გადაწყვეტილებით, სოფელ დიღომში მდებარე რამდენიმე უსახელო ქუჩას "ვეფხისტყაოსნის" პერსონაჟების სახელები დაერქვა.

ქუჩების სახელების მიზანშეწონილობა სხდომაზე გამოტანამდე, შესაბამისმა კომისიამ განიხილა.

პირობითად 48-ე ქუჩას - მურადინ - ფრიდონის ქუჩა, 52-ე ქუჩას - მელიქ-სურხავის ქუჩა, 53-ე ქუჩას - მულღაზანზარის ქუჩა, 54-ე ქუჩას _ გულანშაროს ქუჩა, 55-ე ქუჩას - ფატმანის ქუჩა, 56-ე ქუჩას - როსტევანის ქუჩა, 58-ე ქუჩას - უსენის ქუჩა, 59-ე ქუჩას - ასმათის ქუჩა, 60-ე ქუჩას - თინათინის ქუჩა, 68-ე ქუჩას _ დავარის ქუჩა, 73-ე ქუჩას - შერმადინის ქუჩა, 74-ე ქუჩას - ნესტან დარეჯანის ქუჩა, 78-ე ქუჩას - ავთანდილის ქუჩა, 79-ე ქუჩას - ტარიელის ქუჩა, 87-ე ქუჩას - ხატაეთის ქუჩა, 94-ე ქუჩა - ვეფხისტყაოსნის ქუჩა, 95-ე ქუჩას - ჭაშნაგირის ქუჩა, 98-ე ქუჩას - ფარსადანის ქუჩა, ხოლო 106-ე ქუჩას - რამაზის ქუჩა ეწოდათ.

როგორც "ჯი-ეიჩ-ენს" თბილისის საკრებულოს სახელდების კომისიიდან აცნობეს, ეს გადაწყვეტილება კომისიის ძველი შემადგენლობის ინიცირებულია და შესაბამისად მიმდინარე პერიოდში არ მიღებულა.