დღეს, გლდანის რაიონის გამგებელი ნოდარ სანდუხაძე ავჭალა-გლდანის ხევის ამხანაგობათა თავმჯდომარეებს შეხვდა. შეხვედრის მთავარი თემა ბინათმესაკუთრეთა ამხანაგობების საკითხი იყო, კერძოდ კი თავმჯდომარეთა წახალისებების მოხსნაზე იმსჯელეს.
როგორც ცნობილია, საკრებულოს ახალი უმრავლესობის გადაწყვეტილებით შეწყდა წახალისებათა დაფინანსება, რასაც თავმჯდომარეთა მხრიდან სამართლიანი პროტესტი მოჰყვა. ისინი უარყოფიდად აფასებენ ბინათმესაკუთრეთა ამხანაგობების განვითარების ფონდიდან ათი მილიონი ლარის ჩამოჭრას.
აღნიშნული პრობლემა აქტუალურია ქალაქის ათივე რაიონში, მსგავსი პროტესტი გუშინ ნაძალადევის რაიონში არსებული ამხანაგობების თავმჯდომარეებმა ნაძალადევის რაიონის გამგებელ ლერი დემეტრაშვილთან შეხვედრისას დააფიქსირეს.
მასალის გამოყენების პირობები
