საქართველოს შინაგან საქმეთა სამინისტროში არსებულ საცავში აღმოჩენილი მოქალაქეთა პირადი ცხოვრების ამსახველი ინტიმური ხასიათის ფარული ჩანაწერების საერთო ხანგრძლივობა 181 საათი და 30 წუთია.
ამის შესახებ ფარული ჩანაწერების განადგურების საკითხზე მომუშავე სპეციალური 9 კაციანი კომისიის წევრმა ლაშა ტუღუშმა ჟურნალისტებთან საურბრისას განაცხადა და დასძინა, რომ გარდა ფარული ვიდეოჩანაწერებისა, განაგურებას ინტიმური ხასიათის ფოტომასალაც დაექვემდებარება.
"გაიზარდა რაოდენობა. დაახლოებით, საათებში რომ გადავიყვანოთ, ეს არის 181 საათი და 30 წუთი. ეს ძალიან დიდი რაოდნობაა. აქ საუბარია პირადი ცხოვრების ინტიმურ ნაწილზე. ამის გარდა არსებობს ფოტომასალაც, რომელიც ასევე განადგურდება და ამ ნაწილს ეხება, ინტიმური ხასიათისაა. მე მინდა ხაზი გავუსვა, რომ არ შეგვეშალოს, სხვა ტიპის მნიშვნელოვანი მასალებიც რჩება, რომელიც ბუნებრივია, ალბათ საინტერესო იქნება გამოძიებისთვის. მხოლოდ პირადი ცხოვრების ამასახველი ინტიმური ხასიათის ნაწილის განადგურებაზეა საუბარი,"- განაცხადა ლაშა ტუღუშმა.
ცნობისთვის, საქართველოს შინაგან საქმეთა სამინისტროში არსებულ საცავში აღმოჩენილი მოქალაქეთა პირადი ცხოვრების ამსახველი ინტიმური ხასიათის ფარული ჩანაწერები 5 სექტემბერს 15:00 საათზე განადგურდება.
ფარული ჩანაწერების ინტიმური ხასიათის ნაწილის განადგურების გადაწყვეტილებას მხარი ფარული ჩანაწერების განადგურების საკითხზე მომუშავე სპეციალური 9 კაციანი კომისიის 8 წევრმა დაუჭირა მხარი, 1-მა - კახა კახიშვილმა კი, განაცხადა, რომ აღნიშნული ვიდეოფირების დამკვეთის გამოვლენამდე მისი განადგრება არ უნდა მოხდეს.
უკვე ცნობილია, რომ ინტიმური ხასიათის ფარული ჩანაწერების განადგურების პროცესს მედიასაშაულებების წარმომადგენლებიც დაესწრებიან.
ამასთან, 5 სექტემბერს, 15:00 საათზე ინტიმური ხასიათის ფარულ ვიდეოჩანაწერებთან ერთად, შსს-ში აღმოჩენილი მსგავსი ტიპის ფოტომასალაც განადგურდება.