ხვალიდან, 4 სექტემბრიდან, საქართველოს მასშტაბით ამინდი გაუარესდება. როგორც ,,ჯი-ეიჩ-ენთან" საუბარში ჰიდრომეტეოროლოგიური კვლევის ცენტრის მონიტორინგისა და პროგნოზირების სამსახურის უფროსმა სვეტა ნიორაძემ განაცხადა ხვალ დღის მეორე ნახევრიდან საქართველოს მთელს ტერიტორიაზე ძლიერი წვიმაა მოსალოდნელი.
,,დღეს მთელი დღის განმავლობაში გრილი ამინდი შენარჩუნდება, მოსალოდნელია მცირე ნალექი წვიმის სახით. ხვალ საღამოდან კი ამინდი გაუარესდება. ველოდებით ძლიერ წვიმას, როგორც დასავლეთ ისე აღმოსავლეთ საქართველოში. გაძლიერდება ქარი, რომლის სიჩქარე 20-25 მ/წმ მიაღწევს", _განაცხადა სვეტა ნიორაძემ.
მისივე განცხადებით, მომდევნო ორი დღის განმავლობაში ტემპერატურა შედარებით დაეცემა, ხოლო 6 სექტემბრიდან შედარებით გამოიდარებს.
,,აღმოსავლეთ საქართველოში მომდევნო ორი დღის განმავლობაში ტემპერატურა 23-25 გრადუსამდე შენარჩუნდება, დასავლეთ საქართველოში კი ჰაერი 18-20 გრადუსამდე გათბება", -განაცხადა ,,ჯი-ეიჩ-ენთან" საუბარში სვეტა ნიორაძემ.
