გასულ წელს 28 სექტემბეს, ლისაბონში გამართულ ევროპის ახალი ამბების სააგენტოების ალიანის (EANA) გენერალურ ასამბლეაზე, ასაბლეის წევრებმა ერთხმად დაუჭირეს მხარი საგენტოს ალიანსში გაწევრიანებს და მის სრულუფლებინ წევრობას. განვლილი პერიოდში საორგანიზაცო პრედცეურების დასრულებისა და ალიანის საწევრო გადასახადის გადახდის შემდეგ, ევროპის ახალი ამბების სააგენტოების (EANA) ალიანსმა დღეს, 2 სექტემბერს, ოფიციალურად განაცხადა, რომ საქართველოს ახალი ამბების სააგენტო „ჯი-ეიჩ-ენი" EANA-ს წევრი გახდა.

„ძვირფასო გოჩა,
გილოცავთ, „ჯი-ეიჩ-ენი" EANA-ს წევრია!
მოხარული ვარ შეგატყობინოთ, რომ 2012 წლის გენერალური ასამბელის მიერ მიღებული გადაწყვეტილების საფუძველზე, თქვენ შეასრულეთ ყველა დაკისრებული ვალდებულება და საქართველოს ახალი ამბების სააგენტო „ჯი-ეიჩ-ენი" დღევანდელი დღიდან EANA-ს წევრია", - ნათქვამია EANA-ს გენერალური მდივნის ერიკ ნილენის მიერ „ჯი-ეიჩ-ენის" გენერალური დირექტორის გოჩა მირცხულავას სახელზე გამოგზავნილ მისალოც წერილში.

„მადლობას ვუხდი „ჯი-ეიჩ-ენის" თითოეულ თანამშრომლეს, რომლებსაც დაარსების დღიდან უმუშავნია ჩვენთან. მადლობა ჩვენს მკითხველსა და გულშემატკივრებს. მადლობა იმ ადამიანებს, რომლებიც ყველაზე რთულ წუთებში გვამხნევებდნენ და გვაძლევდნენ სტიმულს, რომ არასოდეს გადაგვეხვია ჩვენი უმთავრესი პრინციპიდან - „ვემსახურებით თავისუფალ სიტყვას და ვემსახურებით ჩვენს ქვეყანას!". მადლობა იმათ, ვისაც გულწრფელად უხარია ჩვენი წარმატებები. შარშანდელი კენჭისყრის შემდეგ, როდესაც ჩვენ ამ ერთ-ერთი ყველაზე ავტორიტეტული ორგანიზაცის წევრად აგვირჩიეს, ჩასატარებელი იყო უდიდესი საქმიანობა. ალიანსის ნებისმიერ წევრ სააგენტოს, არა მხოლოდ საწყის ეტაპზე, არამედ მუდმივად ამ საკითხებს სახელმწიფო უგვარებს. ჩვენს შემთხვევაში, სამწუხაროდ, სრულიად იგნორირებულნი აღმოვჩნდით. ამის მიუხედავად, შევძელით, რომ ყველა ნაკისრი ვალდებულება პირნათლად შეგვესრულებინა. ვფიქრობთ, რომ ეს არის უდიდესი საჩუქარი ჩვენი ქვეყნისა და სახელმწიფოსთვის, რომელსაც ევროსტრუქტურებში ინტეგრაცია აქვს დეკლარირებული. ვიმედოვნებთ, რომ ჩვენს ამ პოზიციას სათავისოდ და ქვეყნისთვის სასარგებლოდ გამოიყენებს არაერთი უწყება თუ კერძო სტრუქტურა. სწორედ დღეს, ამ ჩვენთვის მნიშვნელოვან წუთებში გვსურს წარმატებები ვუსურვოთ საქართველოს ვილნიუსის მომავალ სამიტზე", - აცხადებს „ჯი-ეიჩ-ენის" გენერალური დირექტორი გოჩა მირცხულავა.

EANA - ახალი ამბების სააგენტოების ევროპული ალიანსი, არის ერთ ერთი ყვეელაზე ავტორიტეტული ევროპული მედიაგაერთიანება, რომელიც 1956 წლის 21აგვისტოს დაფუძნდა. ალიანსში წარმოდგენილია ერთი ქვეყნიდან ერთი ახალი ამბების სააგენტო.

ორგანიზაციის წევრები არიან შემდეგი სააგენტოები: AFP, APA, ANSA, ANP,AA, AZERTAC, BTA, DPA, LUSA, EFE, SDA,STA BELGA, RITSAU, PRES ASSOCIATION, PAP, HINA, ITAR-TAAS, TASR, UKRINFORM, და ა.შ..