სვანეთში ვიზიტად მყოფმა საქართველოს კათალიკოს-პატრიარქმა მესტიის რაიონ სოფელ ლატალში ტაძრები მოილოცა.
პატრიარქმა ის უძველესი ფრესკებიც დაათვალიერა, რომლებიც ტაძრის კედლებზეა გამოსახული.
ილია მეორემ მრევლი დალოცა და სვანეთის განსაკუთრებულ მნიშვნელობაზეც ისაუბრა. მოგვიანებით, უწმინდესი მესტიის მუზეუმს ესტუმრა და იქ დაცული სიწმინდეები და სხვადასხვა ექსპონატები დაათვალიერა.
,, შემთხვევით არ არის, რომ ეს ძვირფასი ისტორიული ხატები თქვენთან იმყოფება, ეს იმას ნიშნავს, რომ დიდი სიწმინდეა ხალხშიც და თვითონ ადგილიც წმინდაა. ჯვარი გეწეროთ თქვენ და საქართველოს", - ბრძანა პატრიარქმა.
შეგახსენებთ, რომ ილია მეორე სვანეთში 30 აგვისტოს გაემგზავრა.