1-ელ სექტემბერს, უზენაეს სასამართლოსთან წითელი ბარათების საპროტესტო აქცია გაიმართება.ჟურნალისტი ირმა ინაშვილი საქართველოს პარლამენტს უზენაესი სასამართლოს თავმჯდომარის კოტე კუბლაშვილის იმპიჩმენტის პროცედურის დაწყებისკენ მოუწოდებს.
"პირველ სექტემბერს 15:00 საათზე, უზენაეს სასამართლოსთან ე.წ. წითელი ბარათების საპროტესტო აქცია გაიმართება. აქციის მოთხოვნაა საქართველოს პარლამენტმა, რომელიც ამ ხნის მანძილზე პრეზერვატივების საკითხის განხილვით იყო დაკავებული, დაიწყოს კოტე კუბლაშვილის იმპიჩმენტის პროცედურაზე მუშაობა. მე მოვუწოდებ მეტი აქტიურობისკენ სამოქალაქო საზოგადოებას. ბატონი კუბლაშვილი პოლიტიკური კრიმინალია. ქვეყანაში სადაც იყო უამრავი პოლიტპატიმარი, როგორ შეიძლება ვამბობდეთ, რომ არსებობდა უზენაესი სასამართლოს რეფორმატორი თავმჯდომარე. მე ძალიან ვწუხვარ, რომ უმრავლესობის ზოგიერთი წარმომადგენელიც კი მას მოიხსნებიებს რეფორმატორად. მინდა მოვუწოდო უმრავლესობას, არ არის საჭირო საზოგადოების შეურაცხყოფა და მოვლენების გაფერადება", - აცხადებს ინაშვილი და დასძენს, რომ "აქციის მთლიანი შინაარსი და მოთხოვნები, საერთაშორისო უფლებადაცვით ორგანიზაციებში გადაიგზავნება".