აჭარელ ეკოემიგრანტთა შევიწროვება ორგანიზებულ სახეს იღებს, - ამის შესახებ „ჯი-ეიჩ-ენს" უფლევადამცველა მერაბ ბლადაძემ განუცხადა. მისივე თქმით, მრავალჯერადი თხოვნის მიუხედავად, ხელისუფლება ეკოემიგრანტთა პრობლემებს აბსოლიტურ იგნორირებას უკეთებს
„29 აგვისტოს, წალკის რაიონის სოფელ კოხტადან ვაშაყმაძეების 6-სულიანი ოჯახი გამოასახლეს. გამოსახლება კანონიერად მოხდა - საბერძნეთიდან სახლის მეპატრონე დაბრუნდა და თავისი ქონება მოითხოვა. ერთი შეხედვით, პრეტენზიას ვერავის წავუყენებთ, მაგრამ ძაღლის თავი სხვაგანაა დამარხული - წალკის რაიონში, ე.წ. მიწის ბიზნესშიძალიან დიდი ფული ტრიალებს და მაფიოზთა ჯგუფს იქ აჭარლები არ აწყობთ, რადგან ისინი მიწას თხოულობენ. სწორეთ ამ მაფიოზური ჯგუფის გახელებით ბრუნდებიან ბერძნები წალკაში. უფრო სწორად, კი არ ბრუნდებიან, არამედ, სახლებს იბრუნებენ, თორემ ათენიდან წალკაში გადმომსვლელი რომ არავინაა, ამას ბავშვიც კი ხვდება," - აცხადებს ბლადაძე.
უფლებადამცველის ინფორმაციითვე, ნინოწმინდის მუნიციპალიტეტის სოფელ გარელოვკაში ჩასახლებულ ეკოემიგრანტებს საძოვრები ჩამოართვეს და „უპოვართა სახლს" გადასცეს.
„ვერ ვხვდები, „უპოვართა სახლს" საძოვრები რათ უნდა. რატომ არ შეიძლება, „უპოვართა სახლმა" საძოვრები იჯარით გასცეს, მაგრამ არ გასცემს.
რაც შეეხება ადიგენის რაიონის სოფელ ჭელაში მომხდარი ინციდენტს, არ ვიცი, რა დავარქვა, ალბათ, - პრობლემისადმი სააკაშვილისეული მიდგომა. ყოვლად უწყინარი თემა ლამის „რელიგიურ დევნამდე" მიიყვანეს. იციან, რომ ამაზე ივანიშვილი პასუხს მკაცრად მოსთხოვთ და ახლა ცდილობენ, როგორმე „დაგვაჯერონ" და ყველაფერი „ნაციონალებს" გადააბრალონ... აქაც აჭარლები გამოყავთ ვიღაცისგან მართულები... არ გამიკვირდება, თუ „ნაციონალები" ევროსტრუქტურებში პეტიციას აფრენენ, არიქა, რელიგიური ნიშნით ჩაგრავენ მუსლიმებსო. მრჩება შთაბეჭდილება, რომ ხელისუფლებას მართვის ბერკეტები ან ვერ უპყრია, ან აზრზე არ არის, ზოგადად, რა ხდება, ან მთლად უარესი - მზადდება შეთქმულება პრემიერ-მინისტრის წინააღმდეგ. საერთოდ, აჭარის თემით თამაში ნაცადია (ძალიან სახიფათოდაც), მაგრამ გამოსავალი ყოველთვის გამონახულა. ამ შემთხვევაშიც, საზოგადოებრივი, კულტურული, ინტილიგენციის და ზოგადად, მამულიშვილების მტკიცე ხელი და მართალი სიტყვაა საჭირო სიტუაციის გამოსასწორებლად," - მიიჩნევს უფლებადამცველი მერაბ ბლადაძე.
მასალის გამოყენების პირობები