30 აგვისტოს, უგზო-უკვლოდ დაკარგულ მებრძოლთა საერთაშორისო დღისადმი მიძღვნილი ღონისძიებები გაიმართება.თავდაცვის სამინისტროს ინფორმაციით, 13:30 საათზე დაგეგმილია: საქართველოს ერთიანობისთვის დაღუპულ გმირთა მემორიალის (გმირთა მოედანზე) გვირგვინით შემკობა; 15:00 საათზე ღონისძიება გაგრძელდება დიდუბის გამოფენის მე-3 პავილიონში (წერეთლის გამზირი 118); 17:00 საათზე ღონისძიება დასრულდება ვაშლიჯვარში ძმათა სასაფლაოზე „გმირთა სავანე" მდებარე მუზეუმში.
ღონისძიებას დაესწრებიან საქართველოს თავდაცვის მინისტრის მოადგილე ზაზა ბროლაძე, საქართველოს შეიარაღებული ძალების გაერთიანებული შტაბის უფროსის პირველი მოადგილე, ბრიგადის გენერალი ვახტანგ კაპანაძე და ვეტერანთა საქმეების დეპარტამენტის უფროსი გელა დოლიძე.
