საქართველოს პრეზიდენტმა მიხეილ სააკაშვილმა ბობოყვათში ოჯახთან ერთად 2008 წლის აგვისტოს ომში გმირულად დაღუპული ლერი ლაგურაშვილის დედა და მისი შვილი, 8 წლის ანანო ლაგურაშვილი მოინახულა.
პრეზიდენტის ადმინისტრაციის ინფორმაციით, მიხეილ სააკაშვილმა დალი ბარამიძეს კიდევ ერთხელ გადაუხადა მადლობა გმირი შვილის გაზრდისთვის. ქვეყნის პირველმა პირმა ომში დაღუპული ბიჭების გმირობის მნიშვნელობაზე ისაუბრა და აღნიშნა: „მათ რომ არ შეეჩერებინათ მტერი, საქართველო მიწასთან გასწორებული კოლონია იქნებოდა". მიხეილ სააკაშვილის თქმით, გმირი დედის წოდება, რომ არსებობდეს მას ქალბატონ დალის და იმ დედებს მიანიჭებდა, რომლებმაც სამშობლოს თავდადებული გმირები აღუზარდეს. მიხეილ სააკაშვილის განცხადებით, ისინი უნდა გაიცნოს საზოგადოებამ და მომავალი თაობები ამ გმირების ისტორიაზე გაიზარდონ.
შეგახსენებთ, რომ სენაკის 21-ე ბატალიონის მთავარი ექიმი, კაპიტანი ლერი ლაგურაშვილი 2008 წლის 9 აგვისტოს რუსული ვერტმფრენების დაბომბვისას გარდაიცვალა. დაჭრილი ექიმი მებრძოლების გამოსაყვანად ორჯერ დაბრუნდა, თუმცა საბოლოოდ, მისი და დაჭრილი მეომრების სიცოცხლე რუსულმა ბომბდამშენმა იმსხვერპლა. ლერი ლაგურაშვილის მეუღლე და ორივე ძმა კვლავ სამხედრო სამსახურში არიან.
ქვეყნის პირველი პირის ინიციატივით, ბობოყვათის რეზიდენცია სწორედ ასეთი გმირების ოჯახის წევრების დასვენებისა და დაჭრილი მეომრების რეაბილიტაციისთვის გამოყენების მიზნით სანატორიუმად გადაკეთდა. საქართველოს პრეზიდენტმა
