"სამართლიანი არჩევნებისა და დემოკრატიის საერთაშორისო საზოგადოება" ხელისუფლებას რეკომენდაციებს აძლევს. ამის შესახებ ორგანიზაციის მიერ წინასაარჩევნო გარემოს მონიტორინგის ანგარიშშია აღნიშნული.
არასამთავრობო ორგანიზაციის მიერ გავრცელებულ განცხადებაში აღნიშნულია, რომ ,,სამართლიანი და თანასწორი საარჩევნო გარემოს უზრუნველსაყოფად ,,სამართლიანი არჩევნები" მოუწოდებს: ხელისუფლებას - მაქსიმალურად ხელი შეუწყოს წინასაარჩევნო პერიოდში მედიასაშუალებების თავისუფალ და დაუბრკოლებელ საქმიანობას; ცესკოს პარტიულ წევრებს მმართველი კოალიციიდან - პრეზიდენტის მხრიდან მიუკერძებელი და პროფესიონალი კანდიდატების დასახელების შემთხვევაში მხარი მხარი დაუჭირონ წარდგენილ კანდიდატურებს. ცესკოს - მაქსიმალურად შეუწყოს ხელი სადამკვირვებლო ორგანიზაციისა და საარჩევნო ადმინისტრაციას შორის კონსტრუქციული და თანამშრომლობაზე ორიენტირებული ურთიერთობის ჩამოყალილებებას; სამართლიანი და თავისუფალი არჩევნებისთვის უწყებათაშორის კომისიას - წევრებმა იმსჯელონ და შეისწავლონ ,,სამართლიანი არჩევნების" მიერ კომისიის სხდომაზე დაყენებული საკითხები და შეიმუშაონ შესაბამისი რეკომენდაციები. სახელმწიფო დაწესებულებებს და ადგილობრივი თვითმმართველობის ორგანოებს - დროულად უზრუნველყონ მათ ორგანოებში დასაქმებული მოხელეების ინფორმირება და საარჩევნო კოდექსით დადგენილი წესების გაცნობა წინასაარჩევნო კამპანია-აგიტაციაში მონაწილეობის თაობაზე;ადგილობრივი თვითმმართველობის ორგანოების ხელმძღვანელებს - თავი შეიკავონ საკრებულოს წევრებზე ნებისმიერი ხასიათის ზეწოლისგან; სახელმწიფო აუდიტის სამსახურს და საქართველოს პროკურატურას - შეისწავლონ „სამართლიანი არჩევნების" წინასაარჩევნო მონიტორინგის ანგარიშებში დაფიქსირებული მათ კომპეტენციას მიკუთვნებული საკითხები და გააკეთონ შესაბამისი შეფასებები", _აღნიშნულია განცხადებაში.