ქართული წარმოშობის რუსეთში მოღვაწე ბიზნესმენი შალვა ბრეუსი საქართველოს პრემიერ-მინისტრის კუთვნილი ტელეკომპანია "მეცხრე არხის" ყიდვას და ქართულ პოლიტიკაში მოსვლას არ აპირებს
ტელეკომპანია "რუსთავი 2"-ის ინფორმაციით, აღნიშნული განცხადება ბიზნესმენმა ბათუმში ვიზიტისას გააკეთა.
ბრეუსის განმარტებით, საქართველოში მისი ვიზიტი წყალბურთის ჩემპიონატს უკავშირდება, რომელსაც იგი უნდა დაესწროს.
"პოლიტიკურ პროცესებში არ ჩავერევი, არც საარჩევნო კამპანიის მიმდინარეობაში მიბიღებ მონაწილეობას და არც ტელეკომპანია "მეცხრე არხის" შესყიდვას ვგეგმვ,"- განაცხადა შალვა ბრეუსმა.
ცნობისთის, გავრცელებული ინფორმაციის თანახმად, ტელეკომპანია "მეცხრე არხის" გასხვისების საკითხზე მოლაპარაკებები ლიტვურ კომპანიასთან მიმდინარეობს, რომლის უკანაც რუსი ოლიგარქი, წარმოშობით ქართველი, ბათუმელი შალვა ბრეუსი დგას. შალვა ბრეუსი პარტია "დემოკრატიული მოძრაობა - საქართველოს" ლიდერ ნინო ბურჯანაძესთან დაახლოებული პირია.