სახალხო დამცველი უჩა ნანუაშვილი ლაფანყურის სპეცოპერაციასთან დაკავშირებით მიმდინარე გამოძიებით უკმაყოფილოა და სპეციალური საზოგადოებრივი საგამოძიებო კომისიის შექმნის ინიციატივით გამოდის. როგორც ჟურნალისტებთან უჩა ნანუაშვილმა განაცხადა კომისია, სპეცოპერაციასთან დაკავშირებული ყველა ინფორმაცია შეაგროვოს.
"სამწუხაროდ, ერთი წლის განმავლობაში გამოძიება ფაქტობრივად არ ჩატარებულა, რის გამოც დღემდე უცნობია, რა მოხდა სინამდვილეში. შეიძლება პირდაპირ ითქვას, რომ სამწუხაროდ, ერთი წლის განმავლობაში გამოძიება ფაქტობრივად არ ჩატარებულა, რის გამოც დღემდე უცნობია, რა მოხდა სინამდვილეში. შეიძლება პირდაპირ ითქვას, რომ გამოძიება გაჭიანურებულია. კითხვები, რომლებიც ერთი წლის წინ დაისვა, კვლავ ძალაშია. მეტიც, რაც დრო გადის, კიდევ უფრო მეტი კითხვა ჩნდება", _განაცხადა ნანუაჩვილმა და აღნიშნა, რომ ხელისუფლებამ ვერ შეძლო ლაფანყურის სპეცოპერაცისთან დაკავშირებით გაჩენილ კითხვებზე პასუხის გაცემა.
,,ხელისუფლების შეცვლის მიუხედავად, გამოძიება ბოლომდე არ მისულა და სიმართლე დაუდგენელია. მიგვაჩნია, რომ სიმართლე უნდა დადგინდეს. სწორედ ამ მიზნით, ჩვენ ვიწყებთ სპეციალური საზოგადოებრივი საგამოძიებო კომისიის შექმნისთვის მზადებას. დღეს ამასთან დაკავშირებით პანკისის ხეობაშიც ვაპირებ ჩასვლას, სადაც უხუცესთა საბჭოს წარმომადგენლებს შევხვდები", - განაცხადა ნანუაშვილმა
შეგახსენებთ, რომ სახალხო დამცველი მცხეთის რაიონის სოფელ გალავანში იმყოფებოდა, სადაც ლაფანყურის სპეცოპერაციის დროს დაღუპული სპეცრაზმელის არჩილ ჩოხელის ოჯახის წევრებს შეხვდა.
