სახალხო დამცველი უჩა ნანუაშვილი ლაფანყურის სპეცოპერაციის დროს ერთ-ერთი დაღუპული სპეცრაზმელის არჩილ ჩოხელის ოჯახის წევრებს ხვდება.
სახალხო დამცველი პირადად სპეცრაზმელის ოჯახის წევრებისგან ისმენს რას ფიქრობენ ერთი წლის წინ ლოპოტას ხეობაში განვითარებულ მოვლენებზე. როგორც ჟურნალისტებთან არჩილ ჩოხელის მამამ რუსლან ჩოხეილმა განაცხადა მისთვის გაუგებარია რატომ ვერ მოხერხდა გარკვევა რა მოხდა რეალურად ლოპოტას ხეობაში.
,, ერთი წელი გავიდა და ჯერ დაზუსტებული არ არის და არ ვიცით რა და როგორ მოხდა. ამ საქმეს გრიფი საიდუმლო ედო და ახლა მოხსნილია. დღემდე არ არ არსებობს ექსპერტიზის დასკვნაც", _განაცხადა ჟურნალისტებთან რუსლან ჩოხელმა.
შეგახსენებთ, რომ ლაფანყურის სპეცოპერაციის დროს დაიღუპნენ სპეცრაზმის ორი თანამშრომელი არჩილ ჩოხელი და სოლომონ წიკლაური, ასევე სამხედრო ექიმი - ვლადიმერ ხვედელიძე.
