იტალიის საელჩოს, „ჩემი ოჯახის კლინიკის", ბათუმის მერიისა და კულტურის სამინისტროს თანადგომით 28 აგვისტოს, ბათუმში გაიმართება ვენეციური კარნავალი. ღონისძიება საქველმოქმედოა და შემოსული თანხა მთლიანად მოხმარდება ონკოლოგიური სენით დაავადებულ ბავშვებს. ღონისძიება გაიმართება სასტუმრო „ინტურისტში" 20:30 საათზე. საინფორმაციო მხარდაჭერას უზრუნველყოფს „აჭარის" ტელევიზია.
„ჩემი ოჯახის კლინიკა" მსგავს საქველმოქმედო აქციებში ხშირად იღებს მონაწილეობას. როგორც კომპანიის პრესსამსახურმა ჟურნალისტებთან საუბარისას აღნიშნა, მომავალში დაგეგმილია მემორანდუმის გაფორმება ჯანდაცვის სამინისტროსთან, რომლის საფუძველზეც საქართველოს მასშტაბით „ჩემი ოჯახის კლინიკა" აიღებს პატრონაჟს მცირე საოჯახო ტიპის ბავშვთა სახლებზე, რაც გულისხმობს წელიწადში რამდენჯერმე უფასო სამედიცინო გამოკვლევას და ბავშვების უზრუნველყოფას პირველადი დახმარების ნივთებით.
