ტელეკომპანია "მეცხრე არხის" გენერალური დირექტორი ლუბა ელიაშვილი "მეცხრე არხის" ტექნიკის ნაწილის ტელეკომპანია "GDS"-სთვის გადაცემას ადასტურებს.
ამასთან, ტელეკომპანიის გენერალური დირექტორის თქმით, დღეს არხის თანამშრომელებს ტელევიზიის შენობიდან პირადი ნივეთები გააქვთ.
რაც შეეხება ტელეკომპანიის გასხვისებასთან დაკავშირებით მიმდინარე მოლაპარაკებებს, როგორც ლუბა ელიაშვილმა "ჯი-ეიჩ-ენთან" საუბრისას აღნიშნა, "პროცესი მიმდინარეობს, თუმცა აღნიშნულთან დაკავშირებით დამატებითი დეტალები კონფიდენციალურია".
ცნობისთვის, საქართველოს პრემიერ-მინისტრის ბიძინა ივანიშვილის ოჯახის საკუთრებაში არსებულმა ტელეკომპანია "მეცხრე არხმა" მაუწყებლობა 19 აგვისტოს შეწყვიტა. არხის მფლობელის განცხადებით, "ტელეკომპანიის გასხვისებასთან დაკავშირებით მიმდინარე ყველა მოლაპარაკება უშედეგოდ დასრულდა, რის გამოც პირველი სექტემბრიდან მაუწყებლობის შეჩერების თაობაზე გადაწყვეტილება იქნა მიღებული".
