მწეველთა 64 %-ი მომხრეა საზოგადოებრივ ადგილებში თამბაქოს მოხმარება აიკრძალოს. „ეისითიში" განმარტავენ, რომ გამოკითხულთა უმრავლესობა (83%) მომხრეა საზოგადოებრივი თავშეყრის ადგილებში თამბაქოს მოწევა აიკრძალოს. საინტერესოა, რომ თვითონ თამბაქოს მწეველთა შორის - საგრძნობი უმრავლესობა (64%), ხოლო არამწეველთა დიდი უმრავლესობა (92%) მომხრეა მოწევისთვის ნებადართული ადგილები შეიზღუდოს.
„ეისითიში" აცხადებენ, რომ გამოკითხვა ჩატარდა რეპრეზენტატული შერჩევის საფუძველზე, 2013 წლის ივლისში. სატელეფონო ინტერვიურებით გამოიკითხა თბილისის 407 ზრდასრული მაცხოვრებელი. მონაცემთა სტატისტიკური ცდომილება არ აღემატება 4.7%-ს.
აღსანიშნავია, რომ ჯანდაცვის მსოფლიო ორგანიზაციის მონაცემებით თამბაქოს მოხმარებისგან ყოველწლიურად 6 მილიონამდე ადამიანი იღუპება, აქედან 5 მილიონი აქტიური მწეველია, დანარჩენი კი ან პასიური მწეველი ან მასთან გათანაბრებული პირი. საქართველოში 2012 წლის მონაცემებით საქართველოს ზრდასრული მოსახლეობის 23%-ითამბაქოს ყოველდღიურად მოიხმარს.
