აფხაზეთს ავტონომიური რესპუბლიკის მთავრობის მხარდაჭერით აფხაზეთის სიმღერისა და ცეკვის სახელმწიფო ანსამბლი და ახლგაზრდული კაპელა საბერძნეთის ქალაქ ათენში კულტურის საერთაშორისო ფესტივალზე მიემგზავრება.
აღნიშნული ფესტივალი წელს უკვე მესამედ ტარდება და აფხაზეთის სიმღერისა და ცეკვის სახელმწიფო ანსამბლი და ახლგაზრდული კაპელა მასში მონაწილეობას პირველად მიიღებს.
ქალაქ ათენში კულტურის საერთაშორისო მშვიდობის ფესტივალი 26 აგვისტოს გაიხსნება და 2 სექტემბრამდე გასტანს. მასში ასევე მონაწილეობას იღებენ ესპანეთის, სერბეთის, ჩინეთის, ინდოეთის, იორდანიის, ერაყის, პოლონეთის, მექსიკის, შვედეთის ინდონეზიის და შვეიცარიის წარმომადგენლები.
აფხაზეთის სიმღერისა და ცეკვის სახელმწიფო ანსამბლი საბერძნეთის დედაქალაქში დაგეგმილ საერთაშორისო ფესტივალზე ქართულ-აფხაზურ ფოლკლორულ ნამუშევრებს წარადგენს.
