არქეოლოგებმა აბანოთუბანში ძველი თბილისისთვის დამახასიათებელი ტერასული ტიპის ნაგებობის ნაშთი აღმოაჩინეს, რომელიც მათივე ვარაუდით მე-11 -13 საუკუნეს უნდა განეკუთნებოდეს.მეცნიერებს ამ ეტაპზე დაზუსტებით იმის თქმა, თუ რა ფუნქცია უნდა ჰქონოდა შენობას, არ შეუძლიათ, თუმცა იმის გათვალისწინებით, რომ შენობის კედლები და ფილები შეღებილია წყალგაუმტარი ხსნარით, ვარაუდობენ, რომ მას შესაძლოა აბანოს დატვირთვა ჰქონოდა. ასევე აღმოაჩინეს სხვადასხვა ნივთები - კერამიკული ჭურჭლის ნამტვრევები და მაღალი ხარისხის ოქროს ბეჭედი, რომელიც სავარაუდოდ ამავე პერიოდს განეკუთვნება, ხოლო მონეტები, რომელიც ასევე აღნიშნულ ტერიტორიაზე აღმოაჩინეს, შედარებით ძველია.შენარჩუნდება თუ არა ახლადაღმოჩენილი ნაგებობა, ეს სამომავლო საკითხია. ადგილზე მიმდინარეობს თანამედროვე ტიპის მშენებლობა და დაინტერესების შემთხვევაში შეთანხმება მშენებლობის ხელმძღვანელსა და სახელმფოს მოუწევთ.