დილიდან გადაუღებელი წვიმის გამო ურეკის დიდი ნაწილი დაიტბორა. არსებული ინფორმაციით, ძლიერი წვიმა რამდენიმე საათის წინ დაიწყო, ადგილზე არსებულმა სადრენაჟო სისტემამ დიდი ოდენობით წყლის გადინება ვერ შეძლო და ცენტრალური ქუჩები დაიტბორა.
განსაკუთრებით მძიმე მდგომარეობაა დუმბაძის ქუჩაზე, კურორტის ცენტრალურ ნაწილში, სადაც დიდი ოდენობით მოსულმა ნალექმა საცხოვრებელი სახლების პირველი სართულები და სარდაფები დატბორა.
ამ დროისთვის შემთხვევის ადგილზე სამაშველო სამსახურის ბრიგადები მუშაობენ.
მოსახლეობისთვის მიყენებული ზარალის ოდენობა ჯერ-ჯერობით უცნობია.
