15 აგვისტოს შინაგან საქმეთა მინისტრი ირაკლი ღარიბაშვილი „მსოფლიო პოლიციისა და სახანძრო სამსახურის სპორტულ ოლიმპიადა"-ზე გამარჯვებულ სპორტსმენ პოლიციელებს შეხვდა და გამარჯვება პირადად მიულოცა. შს მინისტრმა ჩემპიონ პოლიციელებს I და II ხარისხის მედლები - „განსაკუთრებული
დამსახურებისთვის", მადლობის სიგელები და სამახსოვრო საჩუქრები გადასცა.შს მინისტრის ინიციატივით, საქართველო წელს, პირველად გაემგზავრა ოლიმპიადაზე, რომელიც ორ წელიწადში ერთხელ, სხვადასხვა ქვეყანაში ტარდება და პოლიციელების ფიზიკური მონაცემების გაუმჯობესებასა და პროფესიული უნარ-ჩვევების გაღრმავებაზეა ორიენტირებული.
შს სამინისტროს 16-მა თანამშრომელმა 1-12 აგვისტოს ჩრდილოეთ ირლანდიის დედაქალაქ ბელფასტში გამართულ „მსოფლიო პოლიციისა და სახანძრო სამსახურის სპორტულ ოლიმპიადა"-ზე სპორტის 7 სახეობაშის იასპარეზა და 12 ოქროს, 3 ვერცხლის და 2 ბრინჯაოს მედალი მოიპოვა.
ქართველმა პოლიციელებმა, რომლებსაც წარმატებული სპორტული კარიერა ჰქონდათ და დღესაც აქტიურად არიან ჩაბმული სპორტის სხვადასხვა სახეობაში, ოლიმპიადის განმავლობაში მსოფლიოს მოქმედ და ყოფილ ჩემპიონებს შეხვდნენ და საპრიზო მედლები მოიპოვეს: კრივში ოქროსმედალოსანმა ედუარდ იმერლიშვილმა, რომელიც შს მინისტრის პირადი დაცვის წევრია, ფინალურ ორთაბრძოლაში ფრანგი მსოფლიო ჩემპიონი დაამარცხა; ასევე დაძაბული ბრძოლა ჰქონდათ მეტოქეებთან ძიუდოისტებს და მკლავჭიდელებსაც, რაც ქართველი სპორტსმენი პოლიციელების გამარჯვებით დასრულდა.
ოქროს მედალოსნები: ედუარდ იმერლიშვილი - კრივი, ზვიად ჩინჩალაძე - ძიუდო, ნოდარ მჭედლიშვილი - ძიუდო, ზაზა გულაშვილი - ძიუდო, გიორგი ბოლოთაშვილი - ძიუდო, იოსებ ხუციშვილი - თავისუფალი ჭიდაობა, , თენგიზ ედილაშვილი - მკლავჭიდი (2 მედალი), ვლადიმერ კობახიძე - მკლავჭიდი (2 მედალი), ლევან
საგინაშვილი - მკლავჭიდი (2 მედალი);ვერცხლის მედალოსნები: გიორგი ბერძენიშვილი - ცურვა (კროლი), უშანგი
კუზანაშვილი - ძიუდო, ვასილ მინდორაშვილი -ძალოსნობა; ბრინჯაოს მედალოსნები: ავთო მამალაძე - ძალოსნობა, გელა გელაშვილი - მკლავჭიდი.
