თბილისის სასწავლო უნივერსიტეტი აცხადებს მობილობას შემდეგ საგანმანათლებლო პროგრამებზე.
როგორც „ჯი-ეიჩ-ენ"-ს უნივერსიტეტის ადმინისტრაციიდან აცნობეს, მობილობა გამოცხადებულია შემდეგ საგანმანათლებლო პროგრამებზე:
1. ბიზნესის ადმინისტრირება - სტუდენტს, ასევე, შეუძლია აირჩიოს დამატებითი სპეციალობა (Minor) - 60 ECTS - კრედიტი სასურსათო ტექნოლოგიის, მეცხოველეობის პროდუქციის ნედლეულის წარმოებისა და პირველადი დამუშავების მიმართულებით.
2. ინგლისური ფილოლოგია - სტუდენტს შეუძლია აირჩიოს დამატებითი სპეციალობა (Minor) - 60 ECTS კრედიტი - ტურიზმის, ბიზნესის ადმინისტრირების მიმართულებით.
ადმინისტრაცის განცხადებით, თბილისის სასწავლო უნივერსიტეტი ქალაქის ცენტრში მდებარეობს, აქვს საკუთარი შენობა, ასევე, სასწავლო პროცესისათვის საჭირო მატერიალურ-ტექნიკური ბაზა, უახლესი ტექნოლოგიებით აღჭურვილი ბიბლიოთეკა, ჰყავს მაღალკვალიფიციური პროფესურა.
თბილისის სასწავლო უნივერსიტეტში ყოველწლიურად იმართება საუნივერსიტეტო კონფერენციები როგორც სტუდენტებისთვის, ასევე, - პროფესორებისათვის. ამასღან, ეწყობა უფასო ექსკურსიები და სპორტული შეჯიბრებები. მნიშვნელოვანია, რომ სწავლის საფასური იყოფა ოთხ ნაწილად.
საუნივერსიტეტო საქმიანობის სრულყოფისთვის, თბილისის სასწავლო უნივერსიტეტს თანამშრომლობის მემორანდუმები აქვს გაფორმებული საქართველოსა და საზღვარგარეთის წამყვან უნივერსიტეტებთან.
სტუდენტთა რეგისტრაცია 30 აგვისტომდე გაგრძელდება პორტალზე: www.eqe.ge .
დაინტერესებულ პირებს დამატებითი ინფორმაციისათვის შეუძლიათ დარეკონ: 296-90-33; 296-01-04
მასალის გამოყენების პირობები