დედაქალაქის საკრებულოს გადაწყვეტილებით, თბილისის საერთაშორისო აეროპორტს და "ვარდების მოედანს" სახელწოდება შეეცვალა.
როგორც თბილისის საკრებულოს თავმჯდომარე ირაკლი შიხიაშვილმა დღეს გამართულ ბრიფინგზე განაცხადა, თბილისის საერთაშორისო აეროპორტი ამიერიდან საქართველოს პირველი პრეზიდენტის ზვიად გამსახურდიას სახელობის იქნება, ყოფილი "ვარდების მოედანი" კი, ეროვნული გმირის მერაბ კოსტავას სახელს ატარებს.
თბილისის საკრებულო დედაქალაქის მნიშვნელოვანი ობიექტებისთვის სახელწოდების შეცვლის საკითხზე მსჯელობას ისევ განაგრძობს.