"ჩვენ მზად ვართ, ჩვენს აფხაზ და ოს ძმებთან პირდაპირი დიალოგისთვის. დარწმუნებული ვარ, რომ ჩვენ გამოვნახავთ საერთო ენას ერთიანი სამომავლო ურთიერთობებისათვის,"- ამის შესახებ საქართველოს პრემიერ-მინისტრმა ბიძინა ივანიშვილმა დღეს გორის ცენტრალურ მოედანზე სამხედრო მოსამსახურეების ფიცის დადების ცერემონიის დასრულების შემდეგ ჯარისკაცებისთვის სიტყვით მიმართვისას ისაუბრა.
მისი თქმით, "საქართველოს დემოკრატიული განვითარება და ეკონომიკური წინსვლა აფხაზებს და ოსებს შემოაბრუნებს და მათ საბოლოოდ დაარწმუნებს რომ მათი სამშობლო საქართველოა".
ცნობისთვის, დღეს გორის ცენტრალურ მოედანზე თავდაცვის სამინისტროს სამხედრო მოსამსახურეების ფიცის დადების ცერემონია გაიმართა, რომელსაც ქვეყნის თავდაცვის მინისტრი ირაკლი ალასანია, პრემიერ-მინისტრი ბიძინა ივანიშვილი, გაერთიანებული შტაბის უფროსი ირაკლი ძნელაძე და ხელისუფლების სხვა წარმომადგენლები დაესწრნენ.
