ამერიკის შეერთებული შტატების ყოფილი სახელმწიფო მდივნის, კონდოლიზა რაისის ოფისის წარმოამდგენლის, რაის სფოქსის განცხადებით, "დოქტორ კონდოლიზა რაისს საქართველოს მთვრობასთან არანაირი ურთიერთობა, არც ფორმალური და არც არაფორმალური, არ აქვს".
აღნიშნულთან დაკავშირებით კონდოლიზა რაისის ოფისის მიერ გავრცელებულ განცხადებას "ჯი-ეიჩ-ენი" უცვლელად გთავაზობთ:
"ყოფილი სახელმწიფო მდივნის კონდოლიზა რაისის ოფისი უარყოფს რუსულ მედიაში გავრცელებულ ინფორმაციას, რომ იგი საქართველოს პრემიერ-მინისტრის ბიძინა ივანიშვილის კონსულტანტია. რუსული გაზეთი „იზვესტია" ციტირებს საქართველოს ხელისუფლების წარმომადგენლის, თედო ჯაფარიძეს, რომლის თქმითაც რაისი ხუთშაბათს დაპირდა მრჩევლობას ივანიშვილის "ქართული ოცნების" ადმინისტრაციისთვის, სწორედ მას შემდეგ რაც ყოფილ სახელმწიფო მინისტრსა და ჯაფარიძეს შორის შეხვედრა შედგა,"- აცხადებენ რაისის ოფისში.
"ეს არის არასწორი ინფორმაცია", - განაცხადა კონდოლიზა რაისის პრესსპიკერმა Washington Free Beacon-თან ინტერვიუში.
„დოქტორ რაისს არ აქვს არანაირი ურთიერთობა, არც ფორმალური და არც არა ფორმალური საქართველოს მთვრობასთან და მეტიც, არც ერთ უცხო ქვეყნის მთავრობასთან. ის რეგულარულად ხვდება კანონმდებლებს, ელჩებს და მთავრობის სხვადასხვა წარმომადგენლებს მსოფლიოს სხვადასხვა ქვეყნებიდან როდესაც ისინი ამერიკაში იმყოფებიან, ეს არის და ეს. მე ასევე გავიგე, რომ თედო ჯაფარიძემ უკან წაიღო თავისი სიტყვები",- დასძინა პრეს-სპიკერმა.
Defense & Freedom Watch-ის მიხედვით, 2012 წლის ოქტომბერში არჩეულმა საქართველოს პრემიერ-მინისტრმა ბიძინა ივანიშვილმა განაცხადა, რომ ის "მოხარული იქნებოდა" თუ რაისი მისი მრჩეველი გახდებოდა, თუმცა არ დაადასტურა ამ ინფორმაციის სინამდვილე.
"ჯაფარიძემ აღნიშნა, რომ რაისს „არ ექნება არანაირი ოფიციალური სტატუსი და ეს ინფორმაცია სიმართლეს არ შეესაბამება, მაგრამ ის აკვირდება პროცესებს საქართველოში დიდი ინტერესით და რჩება ჩვენი ქვეყნის აქტიურ მხარდამჭერად. ივანიშვილის კოალიციამ "ქართული ოცნება" ბოლო დროს გააძლიერა ლობისტური აქტივობები ვაშინგტონში, იმისათვის, რომ გააქარწყლონ ამერიკელი კანონმდებლების შეშფოთბა, რომ საქართველოს ახალი მთავრობა უახლოვდება ირანს და ქვეყნის პრო-ამერიკული ოპოზიციის მიმართ რეპრესიებს ატარებს.
Wall Street Journal -მა წინა თვეში დაწერა, რომ ლობისტური კომპანია Patton Boggs LLP მუშაობს, რომ საქართველო წარმოაჩინოს როგორც პრინციპული პოზიციის მქონე სახელმწიფო თეირანთან მიმართ, მას შემდეგ რაც გავრცელდა ცნობები, რომ ირანი საქართველოს იყენებს იმისთვის, რომ თავიდაიძვრინოს ეკონომიკური სანქციებისგან, რომელიც მისი ბირთვული პროგრამის შეჩერებას ემსახურება.
მაშინ, როდესაც მიხეილ სააკაშვილის ხელისუფების დროს საქართველომ ახლო კავშირები დაამყარა ვაშინგტონთან, ახლა ამერიკელი კანონმდებლები შეშფოთებულები არიან ივანიშვილის თბილი ურთიერთობით რუსეთის მთვრობასთან და სხვა სიგნალებითებით, რომლებიც მუითითებენ, რომ საქართველოს დემოკრატიულმა განვითარებამ უკან დაიხია. ივანიშვილმა თავისი 5 მილიარდიანი ქონების უდიდესი ნაწილი რუსეთში დააგროვა და საარჩევნო კამპანიის პროცესში აქტიურად საუბრობდა კრემლთან კავშირების აღდგენაზე. 2012 წლის ოქტომბერში ივანიშვილის არჩევის შემდეგ, სააკაშვილის ათობით პოლიტიკური მოკავშირე დააპატიმრეს, რაშიც ბევრი პოლიტიკური ოპონენტების განადგურების მცდელობას ხედავს. რესპუბლიკელმა მაიკლ ტერნერმა (ოჰაიოს წარმომადგენელი) შეშფოთება გამოხატა ივანიშვილის ხელისუფლების პირობებში განვითარებულ მოვლენებზე ჯაფარიძესთან შეხვედრის შემდეგ. "საქართველოს ბევრი მოკავშირე ჰყავს კონგრესში, რომელთა მოლოდინია , რომ ახლად არჩეული მთავრობა იფუნქციონირებს, როგორს ძლიერი დემოკრატია", ამბობს ტერნერიგანცხადებაში. „სამართლებრივი დევნის, უფლებების დარღვევის და ძალადობის ფაქტები ძალიან შემაშფოთებელია"- წერს გამოცემა.
