აჭარის ა/რ ჯანმრთელობისა და სოციალური დაცვის მინისტრმა ნუგზარ სურმანიძემ და სამინისტროს თანამშრომლებმა აჭარის მთავრობის, უმაღლესი საბჭოს და ბათუმის მერიის წარმოამდგენლებთან ერთად ჯავახიშვილის ქუჩაზე მდებარე 2008 წელის აგვისტოს ომში დაღუპული გმირების მემორიალი ყვავილებით შეამკეს.
მოგვიანებით აჭარის ა/რ მთავრობის თავმჯდომარე არჩილ ხაბაძე, აჭარის ა/რ ჯანმრთელობისა და სოციალური დაცვის მინისტრი ნუგზარ სურმანიძე და აჭარის ა/რ განათლების, კულტურისა და სპორტის მინისტრი გია თავამაიშვილი ქობულეთის რაიონის სოფელ ჯიხანჯურს ეწვიენ და საომარი მოქმედებების დროს დაღუპული ამირან შაინიძის ოჯახის წევრები მოინახულეს.
კაპრალი ამირან შაინიძე საქართველოს შეიარაღებულ ძალებში 2004 წლიდან მსახურობდა, იგი 8 აგვისტოს 29 წლის ასაკში ცხინვალში დაირუპა. ამირან შაინიძეს ჰყავს მშობლები, მეუღლე და ორი მცირეწლოვანი ქალიშვილი, 6 წლის თამთა და 10 წლის მარიამი.
2008 წლის აგვისტოს მოვლენების დროს აჭარიდან 16 ჯარისკაცი დაიღუპა, მათ ოჯახებს აჭარის მთავრობა ფულად დახმარების სახით 2000 ლარს გადასცემს.